દિનકર જોશી, Dinkar Joshi

” પ્રત્યેક સાચા સાહિત્યકારની સર્જનયાત્રા ઉપનિષદયાત્રા હોવી જોઈએ ! જ્યાં સુધી એ આવી ઉપનિષદયાત્રા છે ત્યાં સુધી જ એ સાહિત્યયાત્રા છે અન્યથા ઝાડ-પાન ઉછેરવાનું માળી કામ છે ! “

” હવે તમે જ કહો કે, નરસિંહ મહેતાથી દિનકર જોશી સુધીના, પાચ સૈકાના, સેકડોબંધ સાક્ષર સર્જકોમાંથી તમને આ ક્ષણે કેટલા યાદ રહ્યા છે? “
- ગુલાબદાસ બ્રોકર દિનકર જોશીને, જેના જવાબમાં તેઓ માંડ ત્રીસ ચાળીસના નામ ગણાવી શક્યા હતા અને પરસેવો વળી ગયો હતો !!

“  જે જે થતો પ્રાપ્ત ઉપાધિયોગ,
બની રહો એ જ સમાધિયોગ.”
-  પ્રેરક અવતરણ   

- બહુ ચર્ચિત નવલકથા – ‘ પ્રકાશના પડછાયા’ ના સર્જક **

# સર્જન કર્મ    :  દિવાળી એટલે   :   એક વાર્તા    

__________________________________________

સમ્પર્ક        18, વિજયકુન્જ , બજાજ ક્રોસ રોડ ,  કાંદીવલી( પશ્ચિમ) ,  મુંબાઇ – 400 067

જન્મ

• 30 – જૂન, 1937  ; ભડી ભંડારિયા -  જિ. ભાવનગર
• મૂળ વતન – નાગધણીબા જિ. ભાવનગર

કુટુમ્બ

• માતા – લીલાવતી; પિતા -  મગનલાલ
• પત્ની - હંસા  ( લગ્ન – 1963) ; સંતાનો – બે પુત્રો

અભ્યાસ

• પ્રાથમિક - મુંબઈ ;  માધ્યમિક -  ભાવનગર 
• 1961 – બી.એ. (ઓનર્સ) – ઈતિહાસ અને રાજકારણ

વ્યવસાય

• મુંબાઇમાં દેના બેંકમાં   બ્રાન્ચ મેનેજર
• મહાત્મા વિ. ગાંધી નાટક  ના લેખક

જાવનઝરમર

• ‘જગત આ અકસ્માતનું’ – તેમની પ્રથમ વાર્તા – જનસત્તામાં , જેના પ્રકાશનની ખબર તેમને ખૂમચાવાળાના પેકીંગથી ખબર પડી!   
•  **  ગાંધીજી અને હરિલાલ ગાંધીના સંબંધોના  પર પ્રકાશ નાખતી કથા, જેના આધાર પર નાટ્કો લખાયેલા અને ભજવાયેલા છે. 
• ગીતાના  અઠંગ અભ્યાસી-  આન્ધ્ર પ્રદેશના સંસ્કૃતના વિદ્વાન ડો. વેદવ્યાસના ગીતાના અલભ્ય શ્લોકો પોતાની પાસે હોવાના દાવને પડકાર્યો અને દાખલા સાથે ખોટો ઠરાવ્યો.  
• આકાશવાણી પર અનેકવાર કાર્યક્રમો આપ્યા છે.

                                                                         

મુખ્ય રચનાઓ     -   60 થી વધુ પુસ્તકો

• નવલકથા – દૂર દૂર આરો, જાણે અજાણે, તન ઝંખે મન રોય, મત્સ્યવેધ, અદીઠાં રૂપ ( અંધના જીવન આધારિત) , ** પ્રકાશનો પડછાયો ,  અગન પથારી, શ્યામ એક વાર આવો ને આંગણે, કૃષ્ણમ્ વંદે જગદ્ગુરુમ્  ,બરફની ચાદર, શેષ-અશેષ, આકાશનો એક ટૂકડો, ( નર્મદના જીવન પર આધારિત ) , કંકુના સૂરજ આથમ્યા ( મહાભારતના પાત્ર કર્ણના જીવન પર આધારિત ) , યક્ષપ્રશ્ન , ખેલો રે ખેલ ખુરશીના ( કટોકટી કાળ આધારિત), અગીયારમી દિશા, આપણે ક્યાંક મળ્યા છીએ,  36 અપ 36 ડાઉન     વિ.
• વાર્તાસંગ્રહો – તરફડાટ, અનરાધાર, એક વહેલી સવારનું સપનું, વનપ્રવેશ વિ.
• સંપાદન – યાદ( 1954 -1964 ના ગાળાની વાર્તાઓ )
• અનુવાદ – પંજાબી એકાંકી
• અંગ્રેજી – Glimpses Of Indian Culture

સન્માન

• ગુજરાત રાજ્ય સાહિત્ય અકાદમી પુરસ્કારો
• ગુજરાત સાહિત્ય પરિષદ -   ઉમા- સ્નેહરશ્મિ પારિતોષિક

સાભાર

• સાક્ષરનો સાક્ષાત્કાર , રાધેશ્યામ શર્મા, રન્નાદે પ્રકાશન
• ગુજરાતી સાહિત્યકોશ – ખંડ – 2