નસીર ઇસ્માઇલી, Naseer Ismaili

‘સંવેદનાના સૂર’ ની પાછળનો ટહૂકો.

“મારા જેવા નવોદિતોને ધુરંધર સર્જકો સહિત્યકાર ગણવા તૈયાર નથી.. એટલે નવોદિતોની નિરાશાઓથી સુપેરે પરિચિત છું.”

પ્રેરક અવતરણ - 
 “ નિશાન ચૂક માફ, ન કદી નીચું નિશાન” – બ.ક.ઠા.

_________________________________________________________________  

સમ્પર્ક -  એ-5, કિન્નરી એપાર્ટ્મેન્ટ , શાહ આલમ, દાણીલીમડા, અમદાવાદ- 380 028

ઉપનામ

• ઝુબિન

જન્મ

• 12- ઓગસ્ટ, 1946; હિમ્મતનગર – જિ. સાબરકાંઠા
• મૂળ વતન – ધોળકા

કુટુમ્બ

• માતા- ફાતમા; પિતા- પીરમહંમદ
• પત્ની – ફરીદા ( લગ્ન – 1966, અમદાવાદ) ; સંતાનો – ત્રણ પુત્રો

અભ્યાસ

• એમ.કોમ. ;  એલ.એલ.બી.
• સી.એ.આઇ.આઇ.બી.

વ્યવસાય

• સેન્ટ્રલ બેન્ક ઓફ ઇન્ડીયામાં ઓફીસર

જીવનઝરમર

• પ્રથમ પ્રિયતમા ‘ઝુબિન’ ના અવસાન બાદ વ્યથિત જણ ( સંવેદનાના સૂર નું મૂળ )
• ત્રણ ભાષા ઉપરાંત ઉર્દૂમાં પ્રવીણ
• ‘નૂતન ગુજરાત’માં તેમની કટાર ‘ વાત તમારી’ શરુ થવાની હતી ત્યાં તે બંધ પડ્યું, પછી ‘જનસત્તા’ આ કટાર શરુ થઇ, તે બંધ પડતાં ગુજરાત સમાચાર’માં બહુ જ પ્રચલિત કટાર ‘સંવેદનાના સૂર’ શરુ કરી
• સર્વપ્રથમ મૌલિક કૃતિ – વાર્તા’ સ્વપ્નનું મૃત્યુ’ -  ચાંદનીમાં
• પ્રતિષ્ઠિત હિન્દી સામાયિક ‘કહાનીકાર’ માં પણ તેમની વાર્તાઓ છપાઇ છે
• લેખન દરમિયાન પ્રસૂતા જેવી અવસ્થા
• 1990 – તેમની વાર્તાઓ પરથી ‘ જિંદગી એક સફર’ ટી,વી, સીરીયલ બનેલી છે
• તેમની વાર્તાઓથી આકર્ષાયેલી એક કવયિત્રીએ મળવાની ઇચ્છા રાખી હતી, પણ નસીબ સંજોગે તે ન બનતાં તે યુવતીએ આત્મહત્યા કરી લીધી, આ ઘટનાએ તેમને બહુ મોટો જખમ આપ્યો અને તેમાંથી ટીવીની બહુ જ વખણાયેલી પ્રસંગકથા ‘સંગતિ’ નિર્માઇ.
• સત્યકથાઓમાં પાત્રની પરવાનગીથી સાચા નામો પણ આપે છે, આ ઉપરથી તેમને એક ફોન મળ્યો કે “ નામ સાથે એક ઉપજાવેલી કથા છાપવાનો કેટલો ચાર્જ?!!” – આવું પણ બને છે.
• ખાસ મિત્ર -  દિલીપ રાણપુરા
• નામદાર આગાખાન તેમજ અક્રમ વિજ્ઞાની ‘દાદા ભગવાન’ બન્ને તેમના માટે પૂજ્ય

શોખ

તમાકુવાળું પાન

રચના – છ પુસ્તકો

• નવલકથા – તૂટેલો એક દિવસ’
• વાર્તા- આમાં ક્યાંક તમે છો, સંવેદનાના સૂર *
• હિન્દી વાર્તાસંગ્રહ – ઉલઝન %

લક્ષણિકતા

•  જીવનમાંથી પ્રગટતી વાસ્તવિકતાઓને વાચા આપતી રચનાઓ

સન્માન

• ગુજરાત સરકારનું પારિતોષિક *
• ‘સારિકા’ માસિકનું પારિતોષિક %

સાભાર

• સાક્ષરનો સાક્ષાત્કાર – રાધેશ્યામ શર્મા, રન્નાદે પ્રકાશન
• ગુજરાતી સાહિત્યકોશ – ખંડ – 2