મંજુ ઝવેરી, Manju Jhaveri

”માર્ક્સ્ થી ‘મહાત્મા’ સુધી શુભ્ર મોગરાની તીવ્ર મહેંક….. દેશવિદેશનાં સાહિત્યનો, ઇતિહાસનો, કળા-સંસ્કૃતિનો વિશિષ્ટ ગ્રંથ કે ગણનાપાત્ર સર્જક- વિચારકનો લેખ વાંચ્યો નથી કે મંજુબેનની ચેતના યથાદ્રષ્ટિ પ્રતિભાવ આપવા લેખિનીબધ્ધ થતી ચાલે…… અઘરા સંકુલ તાત્વિક પ્રશ્નો પણ એમના હાથે સુબોધ સરળ શુભ્ર મોગરાની સુગંધિત ભાષાશૈલીમાં રજૂ થાય.”
– રાધેશ્યામ શર્મા

પ્રેરક વાક્ય
‘ બધાં ઇષ્ટો અને અનિષ્ટો વચ્ચે મનમાં એક પણ વિચાર ન ઉદ્ ભવે.’

_______________________________________________________________________-

સમ્પર્ક      – 403, ‘ચેતના’ 142- 143, સાત બંગલા બસ ડેપો પાસે, અંધેરી, મુંબાઇ- 400 053

જન્મ

• 30 – જાન્યુઆરી, 1926; મુંબાઇ

કુટુમ્બ

• માતા – લીલીવતી; પિતા – વિઠ્ઠલભાઇ દેસાઇ
• પતિ – હિમ્મત ઝવેરી પત્રકાર અને લેખક ( લગ્ન – 1958, મુંબાઇ) ; પુત્ર- અમિત, પુત્રી – સ્વ. સોનલ

અભ્યાસ

• બી.એ.
• ગ્રથાલયશાસ્ત્રનો ડિપ્લોમા

વ્યવસાય

• ફાર્બસ ગુજરાત સભા ના ‘ ત્રૈમાસિક’ ના સંપાદિકા

જીવન ઝરમર

• પ્રથમ મૌલિક કૃતિ – નીરખને,
• 1942 ની ચળવળમાં એક માસની જેલ ભોગવેલી છે. તે વખતે માત્ર સોળ વર્ષના હોવાના કારણે જેલમાં જવાના અભરખાને સંતોષવા કોર્ટમાં પોતાની ઉમ્મર 18 વર્ષ બતાવેલી ! ( કોણ કહે છે, સ્ત્રીઓને ઉમ્મર ઓછી બતાવવાનું જ ગમે છે?! )
  આકાશવાણી પર એક વખત કાર્યક્રમ આપ્યો છે.
• પતિના સહવાસે સમાજવાદ ( રામમનોહર લોહીયાના વિચારો) તરફ વધુ ઝોક, એક તબક્કે સામ્યવાદી પક્ષમાં પણ જોડાયેલા, પણ નિર્ભ્રાંત થતાં પાછા સમાજવાદી બન્યાં
• તેમના લગ્ન બાદ હિમ્મતભાઇના મિત્ર, જ્યોર્જ ફર્નાન્ડીઝ તેમના ઘરમાં ઘણો વખત સાથે રહ્યા હતા.
• દીકરીનો જીવલેણ અકસ્માત ( સ્કુટર શીખતાં ) – આઘાતજનક બનાવ
• દીકરાના વાળ ઉતારવાના રિવાજને તીલાંજલિ આપી.
• અક્રમ વિજ્ઞાની ’દાદા ભગવાન’ના વિચારોથી પ્રભાવિત
• વર્ણાશ્રમ વ્યવસ્થામાં માનતા નથી. કોઇ બાધા, આખડી, માનતા, વ્રત માં વિશ્વાસ નથી.

શોખ

• છબીકળાનાં પ્રદર્શનો જોવાનો
• વૃક્ષો, ફૂલો

લાક્ષણિકતા

• પ્રતિભાવાત્મક સંશ્લેશીય લેખો

રચનાઓ

• નિબંધ – નીરખને, પ્રતિસાદ

સાભાર

• સાક્ષરનો સાક્ષાત્કાર , રાધેશ્યામ શર્મા, રન્નાદે પ્રકાશન