હેમુ ગઢવી, Hemu Gadhvi

“સોના  વાટકડી  રે  કેસર  ઘોળ્યાં,  વાલમિયા,
લીલો  છે  રંગનો  છોડ,  રંગમાં  રોળ્યાં,  વાલમિયા.”

સાંભળો  ઃ ૧ ઃ ૨ ઃ ૩

__________________________________________

નામ

હેમુભા નાનભા ગઢવી

ઉપનામ/ વિશેષણો

ગુજરાતી લોક્સગીતનું નાક, લોકસંગીતનો પાણતિયો, રખોપિયો, અષાઢી ગાયક, ગહેકતો મોરલો.

જન્મ

04-09-1929 , ઢાંકળિયા (સાયલા)

અવસાન

20-8-1965

અભ્યાસ 

શાળાંત (ફાઇનલ) પાસ

કુટુંબ  

માતા –  બાલુભા; પિતા–  નાનભા ; પત્ની –  હરિબા

પ્રવૃતિ

ગાયક, અભિનય ( નાટ્યકાર ).

જીવનઝરમર

• 1955 – આકાશવાણી કેન્દ્રમા તાનપુરા આર્ટિસ્ટ તરીકે જોડાયા
• 1955 – 1965  –  રેડિયો પરથી લોકસંગીતને ગુંજતુ કર્યુ
• 1962-1963  – કોલંમ્બિયા કંપનીએ તેમની 78 સ્પીકની રેકર્ડ  ‘સોની હલામણ મે ઉજળી’ બહાર પાડી હતી
• એચ.એમ.વી. એ અમે મહિયારા રે, શિવાજીનું હાલરડું, મોરબીની વાણિયણ વગેરે ગીતો ની રેકર્ડ રજુ કરી હતી જે ગીતો આજેય યાદગાર છે
• આકાશવાણી રાજકોટ આજે જે કંઇ છે એમાં સૌથી વધુ પ્રદાન  હેમુભાઇ નું છે.
• સૌરાષ્ટની લોકકલાની વાત આવે ત્યારે ત્યારે આપણા લોકગાયકો યાદ આવ્યા વિના ન રહે અને આવા લોકગાયકો માં કસુંબલ કંઠના માલિક હેમુભાઇનો જોટો ન મળે
• કંઠની મીઠાસ અને હલક બેજોડ હતાં
• રંગભૂમિ ના પણ ઉમદા કલાકાર પણ હતાં; સત્યવાદી રાજા હરિચંન્દ્ર અને પૃથ્વીરાજ ચૌહાણ જેવા યાદગાર નાટકો કરેલાં છે.
• આકાશવાણી માટે 1965, 20મી ઓગસ્ટે પડધરી ખાતે રાસડાઓનું રેકોર્ડિંગ  કરતાં હેમરેજ થયું ને તેઓ ઢળી પડ્યા હતા. લોકસંગીતનો જીવ આકાશવાણીનો તારલો હંમેશને માટે આકાશવાણી બની ગયો.

      રાજકોટનું હેમુ ગઢવી નાટ્યગૃહ

સન્માન

• રાષ્ટ્રપતિ ડૉ. સર્વપલ્લી રાધાકૃષ્ણનના હસ્તે શ્રેષ્ઠ લોકસંગીતનો પુરસ્કાર
• ગુજરાત સરકારનો ગૌરવ પુરસ્કાર-મરણોતર-લોકગાયક
• ‘કસુંબીનો રંગ’ ગુજરાતી ચલચિત્રના શ્રેષ્ઠ પાશ્ર્વ ગાયક.
• રાજકોટ મ્યુ. કોર્પોરેશને રાજકોટમા જાહેરમાર્ગને ‘હેમુગઢવી’ માર્ગ નામ આપ્યું છે.
• 11-08-1998 ના રોજ રાજકોટ મ્યુ. કોર્પો. દ્વારા બાંધવામાં આવેલ  અધ્યતન ઓડીટોરિયમને ‘હેમુ ગઢવી’ નામ આપવામાં આવ્યું છે.