શયદા, Shayada

“ફક્ત એમાં જ હું મારી ઇદ હમેશાં સમજું છું,
ખુદાનું નામ હો મુખ પર અને મુઠ્ઠી ચણાની હો.”

” હૃદયમાં કોની એ ઝંખના છે, નયન પ્રતીક્ષા કરે છે કોની?
ઊભો છે ‘શયદા’ ઉંબરમાં આવી , ન જાય ઘરમાં – ન બ્હાર આવે.”

” તું કહે છે અશ્રુ ચાલ્યા જાય છે, હું કહું છું જિંદગી ધોવાય છે.
—–
અર્થની ચર્ચા મહીં ‘શયદા’ બધો જિંદગીનો અર્થ માર્યો જાય છે.”

# રચનાઓ        – 1 –   :   – 2 –  :   – 3 – 

# શયદા વિશે જ્યોતીન્દ્ર દવે

એક સરસ સંકલન

____________________________________________________________________
નામ

 હરજી લવજી દામાણી

જન્મ

24 ઓક્ટોબર – 1892 ; ધોલેરા

અવસાન

 30 જુન – 1962 ; મુંબાઇ

 અભ્યાસ

ગુજરાતી ચાર ચોપડી

વ્યવસાય

 પત્રકાર

જીવન ઝરમર

• 1912 – પહેલી કવિતા ‘મુંબાઇ સમાચાર’ માં છપાઇ ( ‘હરજી લવજી દામાણી ધોલેરાવાળા’ નામે ! )
• બાળપણ અને કીશોરાવસ્થા ગરીબીમાં વીતી.
• એક જમાનામાં બીજા લેખકોના પુસ્તકોની લારીમાં ફેરી પણ કરેલી છે
• 1924– ‘બે ઘડી મોજ’ અઠવાડીક શરુ કર્યું
• 1936 – મુંબાઇ આકાશવાણી પર યોજાયેલા પહેલા કવિ મુશાયરાના પ્રમુખ
• 1944 – સ્વદેશપ્રેમની તેમની કવિતા પર ગાંધીજીએ લખ્યું હતું “ બહુ મીઠું લાગ્યું .
• ”મુંબાઇ સમાચારમાં તેમની ઘણી નવલકથાઓ છપાઇ
• અનેક શાયરોને પ્રોત્સાહન આપતા
• ગુજરાતીમાં પરંપરાગત ગઝલમાંથી નવા પ્રવાહો શરૂ કરનાર પ્રથમ શાયર
• ‘બેફામ’ તેમના જમાઇ થાય

રચનાઓ

• ગઝલ –  શયદાનો ગઝલ ગુલઝાર,  અશ્રુ ચાલ્યા જાયછે  
• નવલકથા – અમીના, મા તે મા, નાની નણદી, ખમ્મા ભાઇને, લાખેણી લાજ વિ. પચાસથી વધારે !
• નાટક – સંસારનૌકા

સન્માન

• 1957 –  ષષ્ઠીપૂર્તિ વખતે જાહેર સન્માન 
• તેમના નામ પરથી આઇ.એન,ટી. દ્વારા શ્રેષ્ઠ ગઝલકારને ‘શયદા’ પુરસ્કાર અપાય છે.

સાભાર 

પ્રવીણચન્દ્ર કસ્તુરચંદ શાહ ;  નર્મદ. કોમ