^સિધ્ધાર્થ – હર્મન હેસ

લેખક

• #   રવીન્દ્ર ઠાકોર

પ્રકાશક

• ગૂર્જર ગ્રંથરત્ન કાર્યાલય [  કાન્તિલાલ ગોવિંદલાલ શાહ  ]

સરનામું

• રતનપોળ નાકા સામે, ગાંધી માર્ગ, અમદાવાદ – 380 001

વિગત

• 144 પાનાં

મૂલ્ય

• 28/-  રૂપીયા

કથાવસ્તુ

• સિધ્ધાર્થ એક સત્ય શોધક છે. ઉગ્ર તાપસ તરીકેની તેની જીવનયાત્રા બે ત્રણ વળાંકો લઇ સત્યપ્રાપ્તીમાં પરિણમે છે. બીજા વળાંકમાં તો તે એક રૂપજીવીનીની સાથે પણ સંસાર માંડીને રહે છે ! આ બ્રાહ્મણપુત્રની શોધયાત્રા   યાતના અને ભય ઉપર વિજય, સમૃધ્ધિ, વિલાસ, અને કામાસક્તિના આનંદને પાર કરતી અને અંતે અનંત શાંતિનો અનુભવ કરાવતી, સદેહે નિર્વાણપ્રાપ્તિમાં પરિણમે છે. પણ તેને જીવનના સત્યની જે અનુભૂતિ થાય છે તે ખરેખર અદ્ ભૂત છે.

————————————————————————————————————————–

નોબલ પારિતોષિક વિજેતા, વિશ્વવિખ્યાત લેખક અને તત્વજ્ઞ  હરમાન હેસની આ નવલકથાનો ગુજરાતી અનુવાદ શ્રી રવીન્દ્ર ઠાકોરે કર્યો છે.  આ કથા ઉપરથી અંગ્રેજીમાં ફીલ્મ પણ નીર્માણ પામેલી છે.

આ નવલકથા નથી માત્ર નવલકથા કે, નથી કેવળ તત્વજ્ઞાન. એ તો છે તત્વજ્ઞાનનું   કલાસ્વરૂપ. બુધ્ધત્વ માનવચિત્તની સર્વોત્તમ સિધ્ધ સ્થિતિ છે. એની પ્રાપ્તિ એ જ મોક્ષ છે. માત્ર પરિણામ જ નહીં,  પરંતુ એ સ્થિતિ સિધ્ધ કરવા માટેની પ્રક્રિયા જ માનવીને  સામાન્યતામાંથી સિધ્ધિ તરફ દોરી જાય છે. …….  માણસની અંતિમ ઇચ્છા તો વિસંવાદિતામાંથી સંવાદિતા અને અશાંતિમાંથી શાંતિ શોધીને જીવનના શાષ્વત મૂલ્યને પામવાની રહી છે. માનવીની આવી જ ઝંખના, મથામણ, પ્રયત્ન, અને પ્રાપ્તિને આ નવલકથા આલેખે છે.

આ જર્મન સાહિત્યકારે ભારતીય અને બૌધ્ધ જીવનદર્શનને જે રીતે આત્મસાત્ કર્યું છે તે આપણને હેરત પહોંચાડે છે અને તેમને માટે અત્યંત માનની લાગણી જગાડી જાય છે.

રવીન્દ્ર ઠાકોરનો આ ભાવાનુવાદ પણ બહુ જ સરસ ભાષામાં  લખાયેલો છે.