તુષાર શુકલ, Tushar Shukla

” દરિયાના મોજાં કંઇ રેતીને પૂછે,
કે તને ભીંજાવું ગમશે કે કેમ?
એમ પૂછીને થાય નહીં પ્રેમ.”

” શબ્દ કેરી પ્યાલીમાં, સૂરની સુરા પીને, લો અમે તો આ ચાલ્યાં.” – ‘અંતરની વાણી’માં આનો રસાસ્વાદ માણો .

” ઓ મારા વન ઉપવનના માળી, હું તો લજામણીની ડાળી.”

” આંખોમાં બેઠેલા ચાતક કહે છે, મારું ચોમાસું ક્યાંક આસપાસ છે.”

” ટળવળતી માછલીએ રણને કહ્યું
કે અહીં આસપાસ જળની સુવાસ છે.
ઊંટોની આંખોમાં રેતીનું સરનામું
પાણીનો ભીનો આભાસ છે.”

# રચનાઓ  :     –   1   –     :   –  2  –     :   –  3  –

#  સાંભળો  :      –  1   –  :     –  2   –     :   –   3  – 

# ગીતોનું આલ્બમ

_______________________________________________________________________

જન્મ

• 29, જૂન – 1955 ; અમદાવાદ
• મૂળ વતન –  સુરેન્દ્રનગર / વઢવાણ

કુટુમ્બ

• પિતા – દુર્ગેશ શુકલ ( જાણીતા સાહિત્યકાર )

અભ્યાસ

• એમ.એ. – અમદાવાદની સેન્ટ ઝેવીયર્સ કોલેજમાંથી
• એલ.એલ.બી.

વ્યવસાય

• ‘આકાશવાણી’ – અમદાવાદમાં લેખક, ઉદ્ બોધક
• ‘આકાશવાણી’ રાજકોટના કેન્દ્ર નિયામક પદેથી સ્વૈચ્છિક નિવૃત્તિ
• સંગીત કાર્યક્રમો, કાવ્ય મુશાયરાઓમાં સંચાલક

જીવનઝરમર

•  પ્રતિભા અને પ્રતિબધ્ધતા વાળા વ્યક્તિ
• સાહિત્ય અને સંગીત બન્નેની સરસ   સમજણ
• ચીમનભાઇ ત્રિવેદી, અનિરુધ્ધ બ્રહ્મભટ્ટ , રમણલાલ જોશી તેમના સાહિત્યગુરુ
• 1979 – આકાશવાણી પર બહુ જ લોકપ્રિય  કાર્યક્રમ   ‘શાણાભાઇ – શકરાભાઇ ‘ ના સફળ સંચાલનથી કારેકીર્દિનો આરંભ
• મનજીભાઇ નામના લોકપ્રિય રેડીયો- પાત્રના સર્જક
•  10 વર્ષ બાળકો અને યુવાનોના અનેક રેડીયો કાર્યક્રમો કર્યા
• રસિકભાઇ ભોજક સાથે ઘણા વૃંદગાનના કાર્યક્રમો કર્યા
• ‘ કકુનો સૂરજ ‘ નામે જૂના ગુજરાતી ગીતોનો બહુ જ જાણીતો કાર્યક્રમ ત્રણ વર્ષ ચલાવ્યો.
• 1979-80 – અમદાવાદમાં શ્યામલ- સૌમિલ મુન્શીના પહેલા સંગીત કાર્યક્રમ ‘ મોરપીચ્છ’ ના યાદગાર સંચાલનથી શરુ થયેલી તેમની સંવાહક/ ઉદ્બોધક તરીકેની યાત્રા આજદિન સુધી  વણથંભી ચાલુ રહી છે.
• ફિલ્મો/ ટેલીવિઝન માટે પણ અનેક ગીતો લખ્યા.

મૂખ્ય રચનાઓ

• કાવ્ય – અનેક ગીતો
• નાટક – અભિસારીકા

સાભાર

• ગુજરાત ટાઇમ્સ – ન્યૂયોર્ક