જુગલકીશોર વ્યાસ, Jugalkishor Vyas

(  ઉંઝા આધારીત –  સરળ જોડણીમાં )

“કોણ આ અંતરે આવી આવી અને  અવનવી ઊર્મિઓને  જગાડે ?
કોણ અણદીઠ હાથે હ્રદય-બીનના તાર   હળવે  રહીને  વગાડે ? ” 
 
“દુનીયાનો  અંધકાર  મને શું   કરી શકે ?
અંધારું ગર્ભકાળનું  આંજ્યું છે આંખમાં. ”
 
” કો’  મંદીરે   ખુદા  ને   રામ   મસ્જીદે    રહે:
એવી કો’ શક્યતાનું સ્વપ્ન લઈ ફરું છું હું ! ”
 
‘ આવ્યાં’તાં એકલાં અને જઈશુંય એકલાં. વચ્ચે અહીં રહ્યાં એ એકલાં નહીં પણ અનેકલાં થઈને રહ્યાં.’
ગીતાજી જેને ‘વ્યક્તમધ્ય’ કહે છે તે આ જીવન જ મારે મન મહત્ત્વનું છે. અહીં સૌની સાથે, સૌનાં બનીને, સૌ માટે રહેવાની વાતમાં બધો સાર આવી જાય છે. સુસંકલીત-સુગ્રથીત-સુસંવાદીત-સુવ્યવસ્થીત સમાજની કલ્પના અને આશા જ સાથે જીવન જીવવામાં સાર્થકતા છે. ‘સહનાવવતુ…’એ ફક્ત પ્રાર્થના જ નથી; એ જીવન-વ્યવહાર બની રહે એમાં જીવ્યાંની સાર્થકતા. ” 
 

#   વ્યાકરણના પાઠો      :    પીંગળશાસ્ત્ર

#   તેમના અનુભવો

તેમના બ્લોગ ……….

#    શાણી વાણીનો શબદ   :   NET-ગુર્જરી   
      પત્રમ્ પુષ્પમ્          :   આપણા મલકમાં

___________________________________________________  

સમ્પર્ક           ૧૨,સત્યનારાયણ સોસાયટી-1;વેજલપુર રોડ,અમદાવાદ;૩૮૦ ૦૫૧

જન્મ

• ૨૫, જાન્યુઆરી – ૧૯૪૪; ઉમરાળા (જી. ભાવનગર)

કુટુમ્બ

• માતા – સાંકળીબા ; પીતા – જેઠાલાલ
• પત્ની –  રમા; પુત્રો –  આનંદ, મનન, અર્પણ

અભ્યાસ

• પ્રાથમીક – ઉમરાળા,રંઘોળા (ભાવનગર)
• 1960 – મેટ્રીક, સર્વોદય આશ્રમ,શાહપુર(જી. જુનાગઢ)
• 1966 –  સ્નાતક – કૃષી વીજ્ઞાન; લોકભારતી સણોસરા, ભાવનગર
• 1968 –  એમ.એ. – ગુજરાતી વીષયમાં,  ગુજરાત વીદ્યાપીઠ,અમદાવાદ
• 1956- 59  –  શાસ્ત્રીયસંગીત (કંઠ્ય),  શાહપુર ( ગુરુ – વિઠ્ઠલદાસ બાપોદરા)

વ્યવસાય

• 1966 – 67  –  ખેતી-શીક્ષક, બાવળા(અમદાવાદ)
• 1967 – 70 –  સેમી-ક્લાર્ક,  આર્યોદય જીનીંગ મીલ્સ,અમદાવાદ
• 1970 – 71 –  ગુજરાતીના વ્યાખ્યાતા, આર્ટ્સ કૉલેજ ઇડર,સાબરકાંઠા
• 1971 – 74 –   વ્યાખ્યાતા, છાત્રાલય-સંચાલક,  સમોડા ગ્રામવીદ્યાપીઠ
• 1974 – 77 –  ઇન્ચાર્જ – કામદાર શીક્ષણ: ગાંધીજી દ્વારા સ્થપાયેલ મજુર મહાજન સંઘ,અમદાવાદ
• 1977- 89 –  કાર્યક્રમ અધીકારી, શ્રમીક વીદ્યાપીઠ;(એડલ્ટ એજ્યુકેશન,ભારત સરકાર)
• 1989 – 2002  – નીયામક, શ્ર.વી.(જનશીક્ષણ સસ્થાન), એડલ્ટ એજ્યુ,  ભારત સરકાર )

જીવન ઝરમર

• સમોડા ગ્રામવીદ્યાપીઠમાં ગૃહપતી,ઉપાચાર્ય,ઉપનીયામક તરીકેની સેવાઓ
• મ.મ.સંઘમાં આંગણવાડી(બાલમંદીર)શીક્ષીકા તાલીમ તથા તે વીભાગના ઈન્ચાર્જ;વ્યાવસાયીક તાલીમવર્ગોની નવી પરંપરા અને શૃંખલા શરુ કરી
• 1920 આસપાસ શરુ થયેલા મજુર મહાજન સંઘના મુખપત્ર ‘મજૂર સંદેશ’ના સંપાદન કાર્યમાં મદદ.
• શ્રમીક વીદ્યાપીઠ (જન શીક્ષણ સંસ્થાન)દ્વારા એક લાખથી વધુ શ્રમીકો અને તેનાં કુટુંબીજનોને વ્યાવસાયીક ઉપરાંત જીવનશીક્ષણ.
• 250 જેટલી સંસ્થાઓ સાથે સહયોગ; વીવીધ વીષયો પરનાં 24 જેટલાં આધાર સાહીત્ય [કોર્સ મટીરીઅલ્સ]નું સર્જન
  અનેક સામાજીક સંસ્થાઓ ( એન.જી.ઓ.) ની રચનામાં માર્ગદર્શન અને કેટલીકના સંચાલનમાં મદદ.
• 1998 થી –  નાનાભાઈ ભટ્ટ દ્વારા શરુ કરાયેલી સંસ્થાઓનાં ભુતપુર્વ વીદ્યાર્થીઓ અને તેમનાં કુટુંબીજનોની મીલનસંસ્થા ‘નોળવેલ’ની સ્થાપના અને સંચાલન
• 1995 થી –  ‘આયુટ્રસ્ટ’ ના ટ્રસ્ટી
• ઉંઝા જોડણીના સમર્થક અને પ્રવર્તક
• બ્લોગ જગતમાં ગુજરાતી ભાશાના વ્યાકરણ અને પીંગળશાસ્ત્રના શીક્ષણનું સરાહનીય કાર્ય

લેખો, લેખ-શ્રેણીઓ

• 1967 – 68  – ‘ જયહિન્દ’ દૈનીકમાં આધુનીક રામાયણની પદ્યશ્રેણી
• 1969 – 70  – ગુજરાત સમાચારના અઠવાડીક ‘શ્રી’ માં કૌટુંબીક વીષયો પરની પતી-પત્નીના પત્રોની શ્રેણી
• ‘કોડિયું’માં ભુતપુર્વ વીદ્યાર્થીઓની સક્સેસ સ્ટોરીઝની શ્રેણી (ચાલુ)
• અન્ય દૈનીકો/ સામયીકોમાં પ્રસંગોપાત લેખો-કાવ્યો

રચનાઓ

• પરીચય પુસ્તીકા –  શ્રમીક શીક્ષણની દીશામાં
• આત્મકથા – એક ચણીબોરની ખટમીઠી
• સંપાદન – ઔષધીગાન ભાગ 1-2 (ઔષધીય વનસ્પતી અંગેનાં 200 જેટલાં કાવ્યો), સ્વ.શોભન વૈદ્ય સ્મૃતીગ્રંથ (અન્ય સાથે), મારે વિષે હું અને એક વી.આઈ.પી.ની આત્મકથા ( જાણીતા હાસ્યલેખક અને આજીવન શીક્ષક-સંત સ્વ. ન.પ્ર.બુચની આત્મકથા) , 
  સામયીકોનું સંપાદન : શ્રમીક વીદ્યાપીઠનું મુખપત્ર ‘શ્રમીક શીક્ષણ’,  જ્ઞાતીનું મુખપત્ર ‘સદ્ ભાવ’, નૉળવેલ ( અનીયતકાલીક ) ,  આયુક્રાંતિ (આયુર્વેદ વીષયક સામયીક)  

Advertisements