^બુધ્ધનાં આંસુ – પુસ્તક પરીચય

• શીર્શક – ‘બુધ્ધનાં આંસુ’
• લેખક – જયંતિ મ. દલાલ
• પ્રકાશક – સુમન બુક સેન્ટર, મુંબાઈ
• પ્રુશ્ઠ સંખ્યા – 155
• કીમ્મત – 100 રુ.
• પ્રાપ્તીસ્થાન – સુમન બુક સેન્ટર, મુંબાઈ
• આવૃત્તીઓ – પ્રથમ – 2002 ; દ્વીતીય – 2004
• કુલ વીસ વાર્તાઓ – દસ આતંકવાદને લગતી અને દસ હાસ્યકથાઓ.
• લેખકનો પરીચય  વાંચવા અહીં ‘ક્લીક’ કરો.

લેખકના પોતાના જ શબ્દોમાં …

      “આતંકવાદીઓની લપેટમાં આખું વીશ્વ આવી ગયું છે. ધર્મના નામે ધરતી લોહીયાળ બનતી જાય છે. સારાનરસાનો ભેદ માવજાત ભુલવા લાગી છે. અણુશસ્ત્રોના આ જમાનામાં કુદરતના કોપ સામે માનવી ભયભીત દશામાં જીવતો નજરે પડે છે. આ સમયે સર્જકનું હૈયું કરવતની વેદના અનુભવે છે. એના રોમેરોમમાં શુળ ભોંકાતા રહે છે; અને એમાંથી લોહીની ટશરો ફુટતી હોય છે. આવા વાતાવરણમાં એ શાંત બેસી શકતો નથી. સામ્પ્રતકાળની આ સમસ્યાઓને એની કલમ દ્વારા એ વાચા આપતો હોય છે. “

     સૌથી પ્રથમ વાર્તા ‘ બુધ્ધનાં આંસુ’ અફઘાનીસ્તાનમાં તાલીબાનો દ્વારા ધ્વંસ કરાયેલ બુધ્ધની મુર્તી અને અમેરીકાની સહાયથી કરાયેલ પ્રજાની મુક્તીના પરીપ્રેક્ષ્યમાં લખાયેલી છે. લેખકની વર્ણનશક્તી અને સંવેદનશીલતા આ વાર્તામાં સુભગ રીતે પ્રસ્ફુરીત થાય છે. એક બાજુ ક્રુર આતંકવાદ, બીજી બાજુ બુધ્ધની અપ્રતીમ કરુણા અને ત્રીજી બાજુ આધુનીક યુધ્ધની ભયાનકતા… આ ફલકમાં આ વાર્તાનું પોત દીપી નીકળે છે અને વાચકની સંવેદનશીલતાને ઉજાગર કરે છે.

     બીજી હાસ્યકથાઓ આ ઉચાટ કરાવે તેવા માહોલમાંથી વાચકોને હળવા પણ કરી નાંખે છે.