મુનિ ઉદયરત્ન, Muni Udayratna

“બોલ બોલ રે પ્રીતમ મુજ શું બોલ મેલ આંટો રે;
પગલે   પગલે    પીડે    મુજને,   પ્રેમનો કાંટો રે.”
___

“કડવાં ફળ છે ક્રોધનાં, જ્ઞાની એમ બોલે।

રીસતણો રસ જાણિએ, હલાહલ તોલે કડવાં ”

___

“અજબ બની આહીરડી, મલપતી મોહન વેલ,

રૂપે રંભ હરાવતી, ગજપતિ ચાલે ગેલ.”

નામ

મુનિ ઉદયરત્ન

જન્મ

આશરે ઇ.સ. ૧૬૯૩માં

અવસાન

આશરે ઇ.સ. ૧૭૪૩માં

જીવનઝરમર

• તેઓ ખેડા ગામના વતની હતાં.
• તેઓ જૈનસંપ્રદાયના દિક્ષીત સાધુ હતા.
• તેમણે આશરે ૧૪ જેટલા રાસ રચ્યા છે. એમાં એમણે પ્રચલિત લોકગીતોની વિવિધ રાગરાગણીનો ઉપયોગ કર્યો છે.
• તેમની ભાષા વધારે ઝડઝમકવાળી છે. તેમનાં કેટલાક વર્ણનો પ્રવાહી અને તાદશ છે.
• તેમણે છંદ, બારમાસા, સ્તવન, સઝાય સ્વરૂપની અનેક કૃતિઓ રચી છે.

રચનાઓ

• જંબુસ્વામી રાસ, રસરત્નાકર, હરિવંશરાસ, લીલાવતી રાસ, સુમતિવિલાસ રાસ, સ્થૂલિભદ્ર રાસ વગેરે

સંદર્ભ

• ગુજરાતી સાહિત્યનિ ઇતિહાસ ઃ ગ્રંથ ૨ ખંડ ૨.