મનહર મોદી, Manhar Modi

– અડધો ઊંઘે અડધો જાગે;
એ માણસ મારામાં લાગે.

–તેજને તાગવા, જાગ ને જાદવા
આભને માપવા, જાગ ને જાદવા

હું નથી, હું નથી, એમ જાણ્યા પછી
આવવા ને જવા, જાગ ને જાદવા

– એ જ છે મારા પરિચયની કથા
ગા લગા ગાગાલગા ગાગાલગા

–  વિકિપિડિયા પર

– ગુજરાતી સાહિત્ય અકાદમીની વેબ સાઈટ પર

– ગુજરાતી સાહિત્ય પરિષદની વેબ સાઈટ પર 

–  તેમની રચનાઓ  લયસ્તરો પર 

————————

જન્મ

• ૧૫, એપ્રિલ-૧૯૩૭; અમદાવાદ

અવસાન

• ૨૩, માર્ચ -૨૦૦૩; અમદાવાદ

કુટુમ્બ

• માતા– ગજીબેન; પિતા– શાંતિલાલ
• પત્ની– હસુમતીબેન , સુહાસિનીબેન ; સંતાનો – જયેશ, કમલેશ

શિક્ષણ

• ૧૯૬૪– બી.એ. ( અર્થશાસ્ત્ર, આંકડાશાસ્ત્ર)
• ૧૯૬૪ – બી.એ.( ગુજરાતી, સંસ્કૃત)
• ૧૯૬૬ – એમ.એ. .( ગુજરાતી, સંસ્કૃત) – ગુજ. યુનિ.

વ્યવસાય

• ૧૯૫૬-૫૮ – ટેક્સ્ટાઈલ ડિઝાઈન સેલ્સમેન
• ૧૯૫૮-૧૯૬૬ – વેસ્ટર્ન રેલ્વેમાં ટિકિટ કારકૂન
• ૧૯૬૬ થી અંત સુધી – વિવિધ કોલેજોમાં ગુજરાતીના વ્યાખ્યાતા

તેમના વિશે વિશેષ

• શૈક્ષણિક કારકિર્દીની શરૂઆત અમદાવાદની ભવન્સ કોલેજમાંથી.
• પછી ડાકોરની કોલેજમાં અને છેલ્લે અમદાવાદની ભક્ત –વલ્લભ ધોળા કોલેજમાં વ્યાખ્યાતા
• ‘નિરિક્ષક’ અને ‘ઉદ્ગાર’ના તંત્રી
• ‘રે’મઠમાં બળવાખોર કવિઓ સાથે પહેલેથી સક્રીય હતા.
• પ્રયોગશીલ કલ્પનો એ એમની વિશેષતા હતી.
• ૧૯૬૩- પહેલો કાવ્ય સંગ્રહ ‘આકૃતિ’
• ગુજરાતી સાહિત્ય પરિષદના મંત્રી તરીકે પણ સેવાઓ આપી છે.
• અનેક સામાયિકોમાં તેમની રચનાઓ પ્રકાશિત થઈ છે.
• ‘રન્નાદે પ્રકાશન’ના સ્થાપક

રચનાઓ

• કવિતા– આકૃતિ, ૐ તત્‍ સત્‍ , બધી જ ગઝલોને સમાવતો સંચય ’૧૧ દરિયા’
• સંપાદન – કવિમિત્રો સાથે ગઝલ ઉસને છેડી,ગાઈ તે ગઝલ
• વિવેચન – સુરેશ જોશી : મૂલ્યાંકન, ગદ્યનું કલાસ્વરૂપ, અધીત’- ૧૦-૧૧-૧૨,, વિવેચનના વિવિધ અભિગમો’, ‘ગુજરાતીના અધ્યાપકોનો માહિતીકોશ

સન્માન

• ધનજી -કાનજી સુવર્ણ ચન્દ્રક

Advertisements