એક નવી શરૂઆત – ‘મળવા જેવા માણસ’

ગુજરાતી પ્રતિભા પરિચય પર પરિચય ઉપરાંત વિવિધ સામગ્રીઓ પણ અવાર નવાર પીરસવામાંં આવે છે. દા.ત. પુસ્તક પરિચય, અભ્યાસ લેખો, પરિચય વિડિયો વિ.

આજથી એક નવી શરૂઆત

‘મળવા જેવા માણસ’

         નેટમિત્ર શ્રી. પી.કે. દાવડાએ શરૂ કરેલ આ પ્રવૃત્તિ છે. ખ્યાત અને જ્ઞાત નામ પ્રતિભાઓ તો આ બ્લોગ પર ઘણી બધી વસેલી છે; અને વસતી રહેશે. ગુજરાતી માતાઓએ  અગણિત પ્રતિભાઓને જન્મ આપ્યા છે; એમને ઉછેર્યા છે. પણ આપણા બધાની વચ્ચે એવા ગુજરાતીઓ પણ છે કે, જે આપણા જેવા સામાન્ય માણસોમાટે  ભલે બહુ ખ્યાત કે જ્ઞાત ન હોય; પણ તેમનાં જીવન અનેકોને ઉદાહરણરૂપ છે. સાવ સામાન્ય સંજોગોમાંથી આપબળે અને હૈયા ઉકલતથી આવા અનામી સજ્જનો અને સન્નારીઓએ એમની આજુબાજુ સુવાસ ફેલાવી છે; જીવનમાં કાંઈક ને કાંઈક નાનું મોટું પ્રદાન કર્યું છે.

આવાં જીવનોની તવારીખને
શબ્દ દેહ આપીને
ભાઈશ્રી પીકે દાવડાએ
વૈશ્વિક ગુજરાતી સમાજની
બહુ મોટી સેવા કરી છે.

       આજથી આંતરા દિવસે તેમણે ઘણી જહેમતથી તૈયાર કરેલા પરિચય લેખો ‘મળવા જેવા માણસ’ શ્રેણીમાં પ્રકાશિત કરવામાં આવશે.

       પહેલો આવો પરિચય છે –  શ્રી. વિનોદ ગણાત્રા