ગુજરાતી વેબ સાઈટોમાં એક નવું નક્કોર પ્રસ્થાન

• ગુજરાતી બ્લોગો
• ગુજરાતી વેબ સાઈટો
• ગુજરાતી ઈ-બુક
• ગુજરાતી સુગમ સંગીતની સાઈટો
• ગુજરાતી ઓન -લાઈન શાળા
• ગુજરાતી છાપાં
• ગુજરાતી ડિક્શનેરી
• ગુજરાતી સોશિયલ મિડિયા
• સોશિયલ ગ્રુપો
• અરે… ગુજરાતી રેડિયો.
• અને …. આ ‘પરિચય બ્લોગ’

એ બધી વાતો જૂની થઈ ગઈ.

દિકરી સમાન, લન્ડન સ્થિત, શ્રીમતિ હીરલ શાહે એક નવી જ વેબ સાઈટના સમાચાર આપ્યા; અને મન મ્હોરી ઊઠ્યું.

આ ચિત્ર પર ક્લિક કરી એની મુલાકાત લઈ જ લો ને!

એના શિર્ષકમાં પણ સંગીત છે!

    જો કે, એનું નામ ‘ગુજરાતી રેડિયો’ ચપટીક કઠ્યું! રેડિયો તો દાદાજીના જમાનાનો. ઈન્ટરનેટિયા યુગમાં આ નામ થોડુંક જૂનવાણી નથી લાગતું? મને તો એનું નામ ‘બાબલાનો ખજાનો’ રાખવું ગમે હોં! બાવા આદમનો નહીં – નવા જમાનાના બાબલાનો ( અને બેબલીનો પણ ખરો જ!)

    ખેર…. નામમાં શું? આપણે તો એમાં શું છે – એ જાણવાની ઉત્કંઠા હોય ને? શું શું છે આ નવી નક્કોર વેબ સાઈટમાં?

• ગુજરાતી સુગમ સંગીત
• ગુજરાતી વાર્તાઓ – પાઠ સ્વરૂપે!
• સમાચાર
• ઓડિયો બુક્સ
• ગુજરાતી શો – જલસા

અને ઓડિયો  વાર્તાઓનો આ સરસ સ્લાઈડ શો …

    ગુજરાતી સુગમ સંગીત પીરસતી, આ બ્લોગના એક સમયના સહકાર્યકર શ્રીમતિ જયશ્રી. ભક્તા પટેલે શરૂ કરેલ આવી પહેલી જ વેબ સાઈટને આ સુભગ સંજોગે ન ભુલીએ.

ટહુકો

અને છેલ્લે …..

       આ ‘ધ્વનિ ગ્રુપ ઓફ કમ્પનીઝ’નું સાહસ છે – એટલે એમાં વ્યાપારી તત્વ હોવાની થોડીક ગંધ આવે છે. આશા રાખીએ કે, એમ હોય તો પણ એની પાછળ રહેલો ગુજરાતીતાનો જુસ્સો કાયમ રહેશે.

.