ગુજરાતી પ્રતિભા પરિચય

ગુજરાતનાં પનોતા સંતાનોનો પરિચય

Category Archives: અર્થશાસ્ત્રી

નટવર ગાંધી, Natwar Gandhi


ng11‘નાણાંકીય બાબતોના જાદૂગર કવિ’

  • તમારે હર્મ્યે ના હતી કશી કમી કલ્પતરુની,
    હતાં માતાપિતા, સુખવતી હતી પત્ની પ્રમદા,
    હતાં દૈવે દીધા દયિત સુત, ઐશ્વર્ય જગનું,
    અકસ્માતે જોયાં દુઃખ જગતનાં, વૃદ્ધ વયનાં.
    પીડા, વ્યાધી જોયાં, શબ વિરૂપ, ભિખારી ભમતાં,
    લલાટે આવું જે જીવન લખ્યું તે કેમ જીવવું ?
    ત્યજી પત્ની સૂતી, સુત,  વિત ત્યજી ચાલી નીકળ્યા,
    તપશ્ચર્યા વેઠી, કરુણ નયને બુદ્ધ પ્રગટ્યા !
  • ચડાવી સૂટ, બૂટ ટાઈ ફરતા ઘણા તોરથી,
    ગીચોગીચ વસે અસંખ્ય જન બાપડા ચાલીમાં,
    વસે ઝૂંપડપટ્ટી, કૈંક ફૂટપાથ લાંબા થતા,
    લગાવી લિપસ્ટિક કૈંક ગણિકા ફરે, નોતરે,
    અહીં ઊઘડી આંખ, પાંખ પ્રસરી ઊડ્યો આભ હું,
    મહાનગર આ, ભણ્યો જીવનના પાઠ હું.
  • ‘ઓપિનિયન’ પર તેમની આત્મકથા વિશે
  • પરિચય લેખો
    –     ૧     – –     ૨    –

——————————————————-

જન્મ

  • ૪, ઓક્ટોબર – ૧૯૪૦; સાવરકુંડલા, જિ. અમરેલી

કુટુમ્બ

  • માતા– શાંતા બહેન; પિતા – મોહનલાલ
  • પત્ની – ૧) સ્વ. નલીની ૨) પન્ના નાયક ;  પુત્ર  – અપૂર્વ ; દીકરી – સોનલ

શિક્ષણ

  • પ્રાથમિક અને માધ્યમિક શિક્ષણ – સાવરકુંડલામાં
  • બી.કોમ. ( સિડનહામ કોલેજ ); એલ.એલ.બી.( ગવર્મેન્ટ લો કોલેજ )  –  મુંબાઈ
  • એમ.બી.એ. ( Atlanta  uni.)
  • પી.એચ.ડી.  ( Louisiana Uni.)

વ્યવસાય

  • શરૂઆતમાં મુંબાઈમાં વિવિધ જગ્યાઓએ નોકરી
  • અમેરિકામાં શિક્ષણ બાદ પ્રોફેસર
  • વોશિંગ્ટન ડી.સી. ની મ્યુનિસિપાલીટીમાં વિવિધ ફરજો.
  • ચીફ ફાઈનાન્શિયલ ઓફિસર પદેથી અંગત કારણોસર રાજીનામું
davda

આ શિર્ષક ચિત્ર પર ક્લિક કરી તેમની આત્મકથા ધારાવાહી રૂપે વાંચો – માણો.

Inline image

તેમની સાથે એક ઇન્ટરવ્યૂ

તેમના વિશે વિશેષ

  • શરૂઆતમાં મુંબાઈમાં  મૂળજી જેઠા મારકિટ, ટેક્ષ્ટાઈલ મીલો અને અન્ય પેઢીઓમાં નોકરી.
  • ૧૯૬૫   માં અમેરિકા સ્થળાંતર
  • અમેરિકામાં અભ્યાસ બાદ પીટ્સબર્ગ યુનિ. અને અન્ય યુનિ.ઓમાં શિક્ષણ કાર્ય
  • ૧૯૭૬ – ૧૯૯૭  અમેરિકન કોન્ગ્રેસની વોચ ડોગ એજન્સી એજન્સી – જનરલ એકાઉન્ટિંગ ઑફિસમાં પોલિસી અને એડમિનિસ્ટ્રેશનના ડેપ્યુટી ડાયરેક્ટર તરીકે કામ કર્યું.
  •  ૧૯૯૭ — વોશિંગ્ટન ડી.સી. સ્ટેટમાં ટેક્સ કમિશ્નર
  • ૨૦૦૦-૨૦૧૪ ત્યાં જ ચીફ ફાઈન્સાન્સિયર ( એ હોદ્દાની રૂએ વૉશિન્ગટનના બાર બિલિયન ડોલરના બજેટની વ્યવસ્થા અને વ્યવહાર એમના હાથમાં હતા. એ કામમાં સંકળાયેલા સરકારી કર્મચારીઓની સંખ્યા – ૧૨૦૦ થી વધારે)
  • તેમણે આ કામ હાથમાં લીધું ત્યારે વોશિંગ્ટન ડી.સી.ની નાણાંકીય સ્થિતિ બહુ જ નાજૂક અને દેવાંઓથી ભરપૂર હતી; જે તેમના કુશળ વહીવટને કારણે ૧૫૦૦ મિલિયન ડોલરની પુરાંત વાળી બની ગઈ હતી. આ બાબતમાં જાણકાર વાચકોને આશ્ચર્ય થશે કે, અનેક એજન્સીઓ દ્વારા અભ્યાસ કરીને જાહેર કરાતા ફાઇનાન્સ્શિયલ રેટિંગ ૧૩ તબક્કાઓમાં સાવ નકારાત્મકથી A+ / A++ સુધી તેઓ પહોંચાડી શક્યા હતા.
  • ૨૦૧૪ – ૨૦૧૬ – Distinguished Policy Fellow at Georgetown University’s McDonough School of Business.
  • અત્યારે તેઓ વર્લ્ડ બેન્ક અને અન્ય સંસ્થાઓ સાથે સંકળાયેલા છે.
  • ૨૦૧૪ – જાણીતાં કવયિત્રી પન્નાબહેન નાયક સાથે જીવવા સરકારી નોકરીમાંથી રાજીનામું.
logo

આ ફોટા પર ક્લિક કરી પન્ના બહેન વિશે વાંચો.

ng22

રચનાઓ

  • કવિતા – અમેરિકા-અમેરિકા, ઇન્ડિયા-ઇન્ડિયા, પેન્સિલ્વાનિયા
  • આત્મકથા – એક અજાણ્યા ગાંધીની આત્મકથા

સન્માન

  • અમેરિકન કરવેરા અને નાણાકીય ક્ષેત્રે નોંધપાત્ર પ્રદાન કરવા બદલ ઘણા એવોર્ડ્સ.
  • ૧૯૯૬ – આંતરરાષ્ટ્રીય ક્ષેત્રે ગુજરાતની પ્રતિષ્ઠા વધારવા માટે  ‘વિશ્વગુર્જરી’ એવોર્ડ

સાભાર

  • શ્રી. પી. કે. દાવડા
Advertisements

વિભા દેસાઈ, Vibha Desai


તેમણે ગાયેલી સ્તુતિઓ સાંભળો

માડી તારું કંકુ ખર્યુ ને સુરજ ઊગ્યો – સાંભળો

—————–

જન્મ

  • ૨૫, જાન્યુઆરી-૧૯૪૪, પોરબંદર

મૂળ નામ

  • વિભા વૈષ્ણવ

કુટુમ્બ

અભ્યાસ 

  • પ્રાથમિક, માધ્યમિક – પોરબંદર
  • ૧૯૬૪ – અર્થશાસ્ત્ર અને આંકડા શાસ્ત્ર સાથે બી.એ. ( ગુજ. યુનિ.)

વ્યવસાય

  • ૧૯૬૨-૬૩ – બાર કાઉન્સિલના કાર્યાલયથી કારકિર્દીની શરૂઆત
  • ૧૯૬૩-૬૪ – વેચાણવેરા કાર્યાલયમાં જોડાયાં
  • ૧૯૬૪ – આવકવેરા ખાતામાં; ૧૯૬૫ – ખુલ્લી સ્પર્ધામાં અધિકારી તરીકે પસંદગી
  • ૧૯૭૩ – ડેપ્યુટી આવકવેરા અધિકારી
  • ૧૯૮૭ – આસિ. આવકવેરા કમિશ્નર
  • ૧૯૯૧– આવકવેરા કમિશ્નર
  • ૨૦૦૦ – જોઈન્ટ આવકવેરા કમિશ્નર
  • ૨૦૦૧ – એડિશનલ આવકવેરા કમિશ્નર
  • ૨૦૦૪ – નિવૃત્ત
  • પણ વધારે જાણીતાં – સંગીતકાર/ ગાયિકા તરીકે

એમના વિશે વિશેષ

  • માતા અને પિતા બન્ને તરફથી સંગીતનો વારસો મળ્યો.પિતા આગ્રા ઘરાનાના શોખિયા ગાયક હતા.
  • શરૂઆતમાં સંગીતની તાલીમ ગુલામ અહમદખાં સાહેબ પાસેથી
  • ‘રંગમંડળ’ નાટ્ય સંસ્થાના ‘ભોલા માસ્ટર’ નાટકમાં પહેલી વખત જાહેરમાં ગીત ગાયું; ત્યારથી જાહેરમાં ગાવાની કારકિર્દીની શરૂઆત કરી.
  • ૧૯૬૦-૬૪ ; કોલેજકાળ દરમિયાન રસિકલાલ ભોજક અને રાજકુમાર રાજપ્રિય દ્વારા નિર્દેશિત, સંગીત, નૃત્ય નાટિકાઓમાં ભાગ લીધો.
  • ૧૯૬૧- ‘આકાશવાણી’ દ્વારા આયોજિત, સુગમ સંગીતની અખિલ ભારતીય સ્પર્ધામાં બીજું પારિતોષિક પ્રાપ્ત કર્યું. ( રાષ્ટ્રપતિ ડો. રાધાકૃષ્ણનના હાથે.)
  • ૧૯૬૧ થી આકાશવાણીના હળવા સંગીત ગાયક કલાકાર
  • દૂર દર્શનનાં પણ માન્ય કલાકાર.
  • ‘નુપૂર ઝંકાર’ નામની જાણીતી ગરબા સંસ્થાનાં, લાંબા સમયથી મુખ્ય ગાયક અને ગરબા કલાકાર
  • ૧૯૬૫- દિલ્હી ખાતે આયોજિત , પ્રજાસત્તક દિનની ઉજવણી પ્રસંગે નેશનલ સ્ટેડિયમમાં આયોજિત, કાર્યક્રમમાં ગુજરાતના જૂથનું નેતૃત્વ સંભાળ્યું હતું.
  • ૧૯૬૧- અમદાવાદના રાજભવન ખાતે ઇન્ગ્લેન્ડનાં મહારાણી ઈલેઝાબેથના માનમાં યોજાયેલ સંગીત અને ગરબા કાર્યક્રમમાં આગળ પડતો ભાગ લીધો હતો.
  • ૧૯૬૩ – મુંબાઈમાં ભારતીય વિદ્યાભવનમાં યોજાયેલી હળવા સંગીતની પરિષદમાં ભાગ લીધો હતો.
  • ૧૯૬૩ – HMV દ્વારા બહાર પડેલી, તેમણે ગાયેલાં ગીતોની પહેલી રેકર્ડ – ‘નજરૂંના કાંટાની ભૂલ’
  • ૧૯૬૨- ગુજરાત રાજ્યના યુવક મહોત્સવમાં ઈન્ટર ઝોનલ, સુગમ સંગીત હરીફાઈમાં બીજું પારિતોષિક
  • ૧૯૬૩ થી – ‘શ્રુતિ’ સંગીત સંસ્થાના સક્રીય સભ્ય
  • ભારતના મહાનગરોમાં તેમના સુગમ સંગીતનાં અનેક કાર્યક્રમો યોજાયા છે.
  • આકાશવાણીનાં અમદાવાદ, દિલ્હી, જોધપુર અને મુંબાઈ કેન્દ્રો દ્વારા તેમનાં અનેક ગીતોનું રેકોર્ડિંગ થયું છે.
  • ૧૯૭૯ – ગુજરાતી ચલચિત્ર ‘ કાશીનો દીકરો’ માં તેમણે ૧૯૬૯માં ગાયેલ ગીત ‘ રોઈ રોઈ આંસુની  ઊમટે નદી’ ને સર્વોત્તમ ગીતનું પારિતોષિક મળ્યું હતું.
  • ૧૯૮૧- અમેરિકાના ડેટ્રોઈટ ગુજરાતી સમાજે ‘ઓનરરી સિટિઝન એવોર્ડ’ એનાયત કર્યો હતો.
  • ૧૯૮૧-૨૦૦૦ દરમિયાન પાંચ વાર અમેરિકાનો પ્રવાસ અને ૧૫૦ સંગીત કાર્યક્રમો
  • ૧૯૮૬ – ઇન્ગેન્ડનો પ્રવાસ
  • ગુજરાતી સાહિત્ય પરિષદ દ્વારા યોજાયેલ ‘કવિ નર્મદ શતાબ્દી’ મહોત્સવ ( ૧૯૮૧) અને ‘ નરસિંહ મહેતા પંચશતાબ્દી મહોત્સવ ( ૧૯૮૩)માં સક્રીય ભાગ

સાભાર

ગગનવિહારી મહેતા, Gaganvihari Mehta


નામ

ગગનવિહારી લલ્લુભાઇ મહેતા

જન્મ

૧૫ એપ્રિલ ૧૯૦૦ ; અમદાવાદ

અવસાન

૨૮ એપ્રિલ ૧૯૭૪ ; મુંબઇ

કુટુંબ

  • પિતા – લલ્લુભાઇ મહેતા
  • પત્ની – સૌદામિનીબહેન મહેતા (રમણભાઇ નીલકંઠના પુત્રી – લગ્ન ઇ.સ. ૧૯૨૪)
અભ્યાસ
  • માધ્યમિક – મુંબઇ
  • બી.એ. (૧૯૨૧) – મુંબઇ યુનિવર્સિટી
  • એમ.એ. (૧૯૨૮) – મુંબઇ યુનિવર્સિટી
  • લંડન સ્કુલ ઑફ ઇકોનોમિક્સમાં અભ્યાસ માટે ગયા. પણ નાદુસસ્ત તબીયતને કારણે અભ્યાસ અધૂરો રહ્યો. પાછળથી આ સંસ્થાએ તેમને ‘ફેલો’ બનાવ્યા હતા.
વ્યવસાય
  • ઇ.સ. ૧૯૨૩ થી ૧૯૨૫ – ‘બૉમ્બે ક્રોનિકલ’ના ઉપતંત્રી
  • સિંધિયા નેવીગેશન કંપનીના મેનેજર
  • ઇ.સ. ૧૯૪૨ – ભારતીય ચેમ્બર્સ ઑફ કોમર્સના પ્રમુખ
  • ઇ.સ. ૧૯૪૭ – ભારતના સંવિધાન સમિતીના સભ્ય
  • ઇ.સ. ૧૯૪૭ – ટેરીફ કમિશનના સભ્ય
  • ઇ.સ. ૧૯૪૭ થી ૧૯૫૦ – ભારતીય આયોજનપંચના સભ્ય
  • ઇ.સ. ૧૯૫૨ થી ૧૯૫૮ – ભારતના યુ.એસ.એ. ખાતેના એલચી
પ્રદાન
  • ગાંધીજીની વિચારસરણીથી પ્રભાવિત થઇને એમેણે લેખો લખ્યા હતાં. રાજકારણમાં પણ સક્રીય.
  • ગુજરાતી અને અંગ્રેજી એમ બન્ને ભાષામાં લેખનકાર્ય
  • મનુષ્યજીવનના વાસ્તવલોક અને કલ્પનાલોક વચ્ચેની વિસંગતાને આધાર બનાવી અકલુષિત અને અક્રૂર હાસ્ય પેદા કરતી રચનાઓ આપી.
  • તેમનું હાસ્ય નૈસર્ગીક છે.
રચનાઓ
  • હાસ્યપુસ્તકો – અવળી ગંગા, આકાશનાં પુષ્પો
  • અન્ય – એલચીની કામગીરી, બર્ટ્રાન્ડ રસેલ
સન્માન
  • ઇ.સ. ૧૯૫૯ – પદ્મ વિભૂષણ
સંદર્ભ
  • ગુજરાતી સાહિત્યનો ઇતિહાસ  ઃ  ખંડ ૪
વધુ વાંચો

આઇ. જી. પટેલ

%d bloggers like this: