સ્વાગત/ સંકલન

# ગુજરાતીમાં ટાઇપ કરો

પધારો વહાલા ગુજરાતીઓ

**********************

ભારતના રાષ્ટ્રીય પક્ષી મોરની કલગી જેવી  અને  ગુજરાતની અસ્મિતાને ઉજાગર કરનાર વિશેષ વ્યક્તિઓનો અહીં પરિચય આપતાં આનંદ થાય છે.

માત્ર ગુજરાત કે ભારતના જ નહીં પણ નિઃસંદેહ સમસ્ત માનવજાતના એક યુગપુરુષ  કે મહામાનવ કહી શકાય તેવા પરમ પૂજ્ય ગાંધીજીને આ બ્લોગ અર્પણ કરીએ છીએ.

અહીં ગુજરાતી ભાષાની સમૃદ્ધિમાં જે વ્યક્તિઓએ પોતાનો ફાળો આપેલો છે તે સર્વે માનાર્હ સર્જકોનો પણ  ટૂંક પરિચય મળી શકશે.  સર્જકની માહિતીની સાથે તેમની રચનાનો પણ એકાદ ઘૂંટ પીવા મળે તો સોનામાં સુગંધ ભળે તે ભાવથી પ્રેરાઇને, જ્યાં જ્યાં શક્ય હોય ત્યાં ત્યાં સર્જકની એક-બે રચનાઓ અથવા તેની લીન્ક આપવા પણ અમે પ્રયત્ન કર્યો છે. જો આમ કરતાં કોઇના કોપીરાઇટનો ભંગ થયેલો કોઇને લાગે અને અમને જાણ કરવામાં આવશે, તો અમે તેને સત્વરે અહીંથી વિદાય કરીશું.

પણ અમને આશા અને શ્રદ્ધા છે કે, સૌ સર્જકો અને પ્રકાશકો, તેમ જ તેમના વારસદારો ગુજરાતી ભાષાના  પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે.

આવી માહિતી સ્વાભાવિક રીતે એકઠી કરેલી જ હોય. આ માટે જે જે સંસ્થાઓ કે મિત્રોએ સહકાર અને મદદ આપેલા છે, તે સૌનો અહીં ઋણ- સ્વીકાર કરીએ છીએ.

વાંચક મિત્રોને વિનંતિ કે, તમને જો આ માહિતી ગમી હોય, અને આપણી ભાષાના અન્ય સર્જકોની માહિતી આપની પાસે હોય તો તે અમને કોઇ પણ સ્વરૂપમાં મોકલશો. આ માહિતીને અમે અહીં સાભાર સ્થાન આપીશું.

( પરિચય માટે પૃષ્ઠ ‘સંકલન’ વાંચો. )

સૂચના :-

• આપણા લાડીલા સર્જકોનો પરિચય મેળવવા ‘પરિચય’ પૃષ્ઠ ઉપર ક્લીક કરો. અથવા અનુક્રમણિકામાંથી જેની માહિતી જોઇતી હોય તે સર્જક્ના નામ ઉપર ક્લીક કરો.
• આ બ્લોગ વિશે કોઇ સૂચન હોય તો અહીં આપશો.
• કોઇ સર્જક વિશે વધારે માહિતી આપની પાસે હોય, અથવા સંકલિત માહિતીમાં કોઇ ભૂલ હોય તો તે સર્જક વિશેની ટપાલમાં આપનો પ્રતિભાવ આપશો.
• આપના સંબંધીઓ અને મિત્રોને આ માહિતીના સ્રોત વિશે જાણ કરી, મા-ગુર્જરીના પનોતા સંતાનો વિશેની સભાનતા ઉજાગર કરવાના પવિત્ર કાર્યમાં સહભાગી થશો.
• જ્યાં  # આવી સંજ્ઞા હોય ત્યાં લીન્ક આપેલી છે.

સંકલન

ભારતના રાષ્ટ્રીય પક્ષી મોરની કલગી જેવી અગણિત વ્યક્તિઓ, જેમણે ગુજરાતનું નામ વિશ્વભરમાં રોશન કર્યું છે, તે તો ગુજરાતની મોટી મિરાત છે. તેમના વ્યક્તિત્વની એક ઝલક ગુજરાતના લોકોને આપવાના શુભ આશયથી આ બ્લોગ મે – ૨૦૦૬ થી કાર્યરત છે.

– સંપાદક મિત્રો

સુરેશ જાની ( ટેક્સાસ – અમેરીકા )

કૃતેશ પટેલ ( અમદાવાદ – ગુજરાત )

—————————————————————————

ભૂતકાળના સાથીઓ

– હરીશ દવે ( અમદાવાદ – ગુજરાત )

– જુગલકિશોર વ્યાસ ( અમદાવાદ – ગુજરાત )

– ઊર્મિસાગર (ન્યુ જર્સી – અમેરીકા)

– જયશ્રી ભક્તા ( સાન ફ્રાન્સીસ્કો – અમેરીકા)

– અમિત પિસાવાડિયા ( ઉપલેટા – ગુજરાત )

–  જય ભટ્ટ ( ્ફિલાડેલ્ફિયા – અમેરિકા )