ગુજરાતી પ્રતિભા પરિચય

ગુજરાતનાં પનોતા સંતાનોનો પરિચય

પેરન્ટિન્ગ ફોર પીસ – સંસ્થા પરિચય


      છેલ્લા એક મહિનાથી, દર રવિવારે અમે એક  સરસ ટીવી સિરિયલ જોઈએ છીએ – ‘सत्यमेव जयते’ - લોકપ્રિય સિને કલાકાર આમીર ખાનનું સર્જન.

આ ચિત્ર પર 'ક્લિક' કરી સત્યમેવ જયતે ની વેબ સાઈટ પર પહોંચી જાઓ અને ઘણા બધા વિચારતા કરી દે તેવા એપિસોડ નિહાળો.

આ ચિત્ર પર ‘ક્લિક’ કરી સત્યમેવ જયતે ની વેબ સાઈટ પર પહોંચી જાઓ અને ઘણા બધા વિચારતા કરી દે તેવા એપિસોડ નિહાળો.

એમાંનો ગયા રવિવારનો એપિસોડ હતો -  ‘મર્દાનગી’ . એની  વાત તો અહીં અસ્થાને રહેશે; પણ  વિચારતા કરી મુકે એવા એ વિષયનો પ્રધાન સૂર હતો -

‘બાળકનો ઉછેર શી રીતે થાય છે -
એની પરથી એ કેવો માણસ બનશે;
એ નક્કી થાય છે.”

      આ જ વાતને સામાજિક સ્તરે અમલમાં મુકવાની અને કુટુમ્બ અને શાળાના પ્લેટફોર્મ પર એ માટે જાગૃતિ આણવાનો પ્રશંસનીય પ્રયત્ન કરી રહેલી આ સંસ્થાનો ટુંક પરિચય અહીં આપવો છે.

અા ચિત્ર પર 'ક્લિક' કરી P4P ની વેબ સાઈટ પર પહોંચી જાઓ.

અા ચિત્ર પર ‘ક્લિક’ કરી P4P ની વેબ સાઈટ પર પહોંચી જાઓ.

પહેલાં એના મુખડા પરના આ બે ચિત્રો જુઓ..

P4p_1
———–

p4p_2

અને એક વિડિયો પણ

      સમાજની સમસ્યાઓ, કુરૂપતાઓ, નબળાઈઓ, વિવશતાઓ એ બધા વિશે તો ઢગલાબંધ સાહિત્ય,  સમાચારો, ચર્ચાઓ ઠેર ઠેર –  અત્ર, તત્ર, સર્વત્ર મળી રહે છે. વ્યક્તિગત ધોરણે  ‘આમ થાય તો સારું ; અને તેમ થાય તો સારું.’ એમ વિચારનારા પણ ઘણા હોય છે.

     પણ એ અંગે નક્કર કામ કરનારા આંગળીને વેઢે ગણાય એટલા જ હોય છે.  ‘પેરન્ટિન્ગ ફોર પીસ’ આવું યોગ્ય વિચારનારાઓને એકઠા કરવાનો પ્રયત્ન છે – ખાસ કરીને બાળકોના વિકાસ અને ઉછેરને એક નવી આશા સભર દિશા પુરી પાડવાનો પ્રયત્ન.

    સૂરતના પોલિસમેન (!) શ્રી. હસમુખ પટેલ આ પ્રવૃત્તિના પ્રણેતા છે – એ જાણીને આપણે એ પોલિસમેનને સૌથી પહેલી તો સલામ ભરી દઈએ.

 તેમનો પરિચય તેમના પોતાના જ શબ્દોમાં આ રહ્યો.

આ બ્લોગ પર આ અંગે અગાઉ પણ સમાચાર આપ્યા હતા – આ રહ્યા.

હવે થોડીક વિગતો

  • પ્રણેતા
    • શ્રી. હસમુખ પટેલ, નિવૃત્ત પોલિસ નિરીક્ષક
  • પહેલું કદમ
    • ૨૩, જૂન- ૨૦૧૩
  • પહેલું કેન્દ્ર
    • સૂરત ખાતે
  • અત્યાર સુધીમાં યોજાયેલા ઘટનાઓ
    • ૧૮
  • અત્યાર સુધીમાં જોડાયેલા સ્વયંસેવકો
    • ૮૬

આ તો માત્ર આંકડાઓ જ છે; વિશેષ માહિતી અને ઘણું બધું સાહિત્ય P4P ની વેબ સાઈટ પરથી મળી જ જશે. પણ જે ઝડપે આ પ્રવૃત્તિ ફેલાઈ રહી છે – એ નજરમાં રાખીએ તો….

હસમુખ ભાઈને
તેમના સાથીદારોને
અને સૌથી વિશેષ.. 

ગુજરાતી પ્રજાના ડહાપણને

સો સલામ

 

માતૃભાષા અભિયાન – એક સરસ શરૂઆત


થોડાક વખત પહેલાં એક નવી વેબ સાઈટ વિશે ભાળ મળી; અને મન મહોરી ઊઠ્યું.

આશરે ચાર વર્ષ પહેલાં એક સ્વપ્ન ઉદભવ્યું હતું -

ગૂગમ

[ અહીં ‘ક્લિક’ કરી એ સ્વપ્ન સમજો]

એમાંથી થોડાંક ટાંચણ ..

ગુજરાતી ભાષા મરવા પડી છે, લુપ્ત થવાની અણી પર છે : એ માન્યતા ખોટી છે.

કારણકે,

  • લાખોમાં ફેલાવો ધરાવતાં, ઘણી સારી સંખ્યામાં ગુજરાતી  દૈનિકો છે.
  • હજારોમાં ફેલાવો ધરાવતાં નામાંકિત ગુજરાતી સામાયિકો પણ ઘણી સારી સંખ્યામાં છે.
  • ગુજરાત વિદ્યાપીઠ, ગુજરાતી સાહિત્ય પરિષદ, ગુજરાતી સાહિત્ય અકાદમી, ગુજરાતી ભાષા પરિષદ, ગુજરાતી વિશ્વકોષ સંસ્થા, ગુજરાતી લેક્સિકોન જેવી સંસ્થાઓ ગુજરાતી ભાષાની માવજત ઘણા વર્ષોથી કરી રહી છે.
  • સેંકડોની સંખ્યામાં ગુજરાતી વેબ સાઇટો અને બ્લોગો અસ્તિત્વ ધરાવતાં થયા છે.
  • અને સૌથી વધારે અગત્યની વાત – છ કરોડ લોકો ગુજરાતીમાં વિચારે છે; એમને ગુજરાતીમાં સપનાં આવે છે: દુનિયાના કોઈ પણ ખૂણે હોય તો પણ.

જે ચિંતા સૌને છે તે,

  • બોલાતી ગુજરાતી બદલાઈ રહી છે; તે અગે છે.
  • તેનું લેખિત  સ્વરૂપ બદલાઈ રહ્યું છે; અરાકતા ફેલાયેલી છે – તે અગે છે.
  • અંગ્રેજી શબ્દોના, અંગ્રેજી શિક્ષણના વધતા જતા પ્રભાવને કારણે છે.
  • ગુજરાતમાં જ તેની કિમત  ‘શું શાં પૈસા ચાર’ થઈ ગઈ છે; તે માટે છે.

આ અભિયાન વિશે થોડુંક વાંચ્યું અને  આ ભાવના પોષાતી લાગી.

 આ ચિત્ર પર 'ક્લિક' કરો અને એ વેબ સાઈટ પર પહોંચી જાઓ.

આ ચિત્ર પર ‘ક્લિક’ કરો અને એ વેબ સાઈટ પર પહોંચી જાઓ.

નીચેની વાત આ વેબ સાઈટને અન્ય ગુજરાતી વેબ સાઈટોથી જુદી ઠેરવે છે.

પરામર્શક

       અભિયાનના કાર્યવાહકો ને મુલ્યવાન માર્ગદર્શન પરામર્શક ગણ અર્પે છે. આમાં સમાવેશ થાય છે: પૂજ્યશ્રી મોરારી બાપુ, નારાયણભાઈ દેસાઈ, ગુણવંતભાઈ શાહ, રવીન્દ્રભાઈ દવે, પંકજભાઈ જોષી તથા અન્ય.

 સહયોગી સંસ્થાઓ

       અભિયાન સાથે રસ ધરાવતી વિવિધ સંસ્થાઓ જોડાય તે હિતાવહ જેથી તેમની જાણકારીનો અભિયાનને લાભ મળે. હાલ આવી સંસ્થાઓ છે:ગુજરાતી સાહિત્ય પરિષદનું માતૃભાષા સંવર્ધન કેન્દ્ર , ગૂજરાત વિદ્યાપીઠ, ગુજરાત વિશ્વકોશ , શારદા વિદ્યામંદિર, કડી સર્વ વિદ્યાલય,  ચારુતર વિદ્યામંડળ, અક્ષરા, વિવેકાનંદ રિસર્ચ ઈન્સ્ટિટ્યૂટ, પ્રેમની પરબ(સાયલા) , તથા અન્ય. 

કેન્દ્રો

     ગુજરાતી ભાષાના સંરક્ષણ અને સંવર્ધન માટે આ અભિયાનમાં આ લોકભાગીદારીમાં વધારે લોકો જોડાય તે આવશ્યક છે. ગુજરાતભરમાં પચાસ કેન્દ્ર સ્થપાય તેવી અમારી અપેક્ષા છે.

માતૃભાષા અભિયાનને આપણે સૌ ટેકો આપીશું ને? 

રમણભાઈ પટેલ, RamanbhaI Patel


ઔષધ નિર્માણ ક્ષેત્રના શિરોમણિ.

તેમનો વિગતવાર પરિચય અંગ્રેજીમાં વાંચો.

તેમની કેટલીક રચનાઓ.


નામ

  • રમણભાઈ બી. પટેલ

જન્મ

  • ૧૯, ઑગસ્ટ, ૧૯૨૫. ગામ: કઠોર, તા: કામરેજ, જિ: સુરત, ગુજરાત.

મૃત્યુ

  • ૧૯, સપ્ટેમ્બર, ૨૦૦૧.

કુટુંબ

અભ્યાસ

  • રસાયણ શાસ્ત્રનો અભ્યાસ, એલ. એમ. કોલેજ ઑફ ફાર્મસી, અમદાવાદ.

વ્યવસાય

  • અધ્યાપક, એલ. એમ. કોલેજ ઑફ ફાર્મસી, અમદાવાદ.
  • ૧૯૫૨ – ‘કેડિલા’ના સ્થાપક અને માલિક.

તેમનાં વિષે વિશેષ

  • ઔષધ વિજ્ઞાન ક્ષેત્રે વિવિધ સંશોધનો.
  • ગુજરાતમાં ઔષધ વિજ્ઞાનના શિક્ષણ માટે બહુમૂલ્ય ફાળો આપ્યો.
  • ૧૯૮૮-૯૦ દરમિયાન ઈન્ડિયન ફાર્માસ્યુટીકલ એસોશિએસનનાં રાષ્ટ્રીય પ્રમુખ.
  • તેમનાં ૧૮૦ કાવ્યોનો કાવ્ય સંગ્રહ “પ્રતીતિ” પ્રકાશિત થયો છે.
  • ગુજરાતી ગીતોના સંગીત સંગ્રહ “હસ્તાક્ષર” માં તેમનાં કેટલાંક ગીતો સ્વર બદ્ધ થયાં.

સન્માન

  • ૧૯૭૩ – રાષ્ટ્રપતિ દ્વારા ‘ઈમ્પોર્ટ સબસ્ટીટ્યુશન’ પુરસ્કાર.
  • ૧૯૮૭ – પ્રો. એમ. એલ. શ્રોફ મેમોરિયલ રાષ્ટ્રિય પુરસ્કાર.
  • ૧૯૯૧ – ધી ગ્લોરી ઑફ ઈન્ડિયા પુરસ્કાર, વૉશિન્ગટન, અમેરિકા.
  • ૧૯૯૨ – ગ્રાહક સુરક્ષા પુરસ્કાર.
  • ૧૯૯૩ – આચાર્ય પ્રફુલ્લ ચંદ્ર રાય મેમોરિયલ ગોલ્ડ મેડલ.
  • ૧૯૯૪ – ધી એમિનન્ટ ફાર્માસીસ્ટ પુરસ્કાર.
  • ૨૦૦૦ – ગુજરાત બિઝનેસમેન ઑફ યર પુરસ્કાર.

બજરંગદાસ બાપા, Bajrangdas


Bajrangdas- અક્ષરનાદ પર તેમના વિશે -  ૧  -  ;   -  ૨  -

- ફેસબુક પર

-

-

-

-

-

-

-

-

———————

Bajrangdas_1

નામ

  • ભક્તિરામ

જન્મ

  • ૧૯૦૬, અધેવાડા, જિ. ભાવનગર

વતન

  • લાખણકા,તા. વલ્લભીપુર, જિ. ભાવનગર

અવસાન

  • ૯, જાન્યુઆરી- ૧૯૭૭; બગદાણા

કુટુમ્બ

  • માતા- શિવકુંવરબા; પિતા-હીરાદાસ બાપુ

ગુરૂ

  • સીતારામબાપુ, ‘પંચ તેરા ભાઈ ત્યાગી ખાલસા સમ્પ્રદાય, રતન પટી મુંડેરા આશ્રમ, અયોધ્યા

શિક્ષણ

  • બે ચોપડી, લાખણકા

તેમના વિશે વિશેષ

  • ૧૯૧૫- દસ વર્ષની ઉમરે જમાત સાથે નાસિક કુંભમેળામાં
  • યોગસાધના- બુંદેલ ખંડના જંગલોમાં ચિત્રકૂટ પર્વતમાળા
  • ૨૮ વર્ષની ઉમરે – સહજ ધ્યાનયોગમાં સિદ્ધિ, ત્રિકાળ દર્શન સિદ્ધિ
  • ૩૦ વર્ષની ઉમરે હિમાલય તરફના યાત્રાધામોથી વતન પાછા- અન્ન ક્ષેત્ર અને જિજ્ઞાસુઓને ધર્મલાભ
  • મુંબાઈ, સૂરત, ધોલેરા – ૧ વર્ષ
  • ભાવનગર, વાળુકડ – ૫ વર્ષ
  • કરમોદર- પાલીતાણા – ૫ વર્ષ
  • ૧૯૪૧-૪૨ બગદાણા પધાર્યા અને જીવનનાં બાકીનાં ૩૦ વર્ષ ત્યાં ગાળ્યા

સાભાર

  • શ્રી. રાજેશ પટેલ

 

 

શ્રીમતી તરલા દલાલ


નામ
શ્રીમતી તરલા દલાલ

જન્મતારીખ
3 જૂન ૧૯૩૬

જન્મસ્થળ
પૂના (મહારાષ્ટ્ર)

અવસાન
૨૦૧૩

અભ્યાસ
બી.એ ઇકોનોમીક્સ (૧૯૫૬)

વ્યવસાય
પાકશાસ્ત્ર, પાકશાસ્ત્ર લેખક, પાકશાસ્ત્ર શિક્ષક, બીઝનેસ વુમન

જીવન ઝરમર અને અવોર્ડસ
• ૧૨ વરસની ઉંમરથી માતાને રસોઇમાં ઘણી મદદ કરેલી. ત્યારે માત્ર ગુજરાતી વાનગીઓ શીખ્યા.
• લગ્ન બાદ પતિ માટે શોખથી અવનવી રસોઇ બનાવતા. પતિ ખાવાના ખૂબ શોખીન હતા અને તરલાબેનના શોખમાં પૂરો રસ લેતા.
• ૯ વરસ આમ, જ શોખથી દેશી, વિદેશી ઘણી વાનગીઓ પર તરલાબેનનો હાથ બહુ સરસ જામી ગયો.
• મહેમાન એમના માટે ભગવાન સ્વરુપ હતા અને બધા માટે અવનવી વાનગીઓ હોંશથી બનાવતા.
• 1966માં તેમણે ઘરમાં મહેમાનોના આગ્રહથી રસોઇના વર્ગો લેવાનું શરૂ કર્યું હતું.
• તરલા દલાલ વિશ્વના ટોચના 5 બેસ્ટ સેલિંગ કૂકરી રાઇટર પૈકી એક છે.
• તેઓ ટોકિયો, જકાર્તા, હોંગ કોંગ, સિંગાપોર, બ્રુસેલ્સ, એન્ટવર્પ, લિસ્બન, ઝુરિચ, ઝૈરોબી, લંડન, ટોરેન્ટો, ન્યુયોર્ક, ડર્બન વગેરે શહેરોમાં કૂકિંગ ક્લાસ સેશન યોજતા હતા.
• તેમની કૂકિંગ બુક્સ હિન્દી, અંગ્રેજી, ગુજરાતી, મરાઠી, બંગાળી વગેરે ઉપરાંત ડચ અને રશિયન ભાષામાં પણ પ્રકાશિત થઇ છે.
• તેમના દ્વારા ચલાવાતી દેશની સૌથી મોટી કૂકિંગ સાઇટ પર 1,50,000થી વધારે રજિસ્ટર્ડ મેમ્બર્સ છે.
• સોની ટીવી પર એમનો ‘તરલા દલાલ શૉ’ અને ‘કૂક ઈટ અપ વિથ તરલા દલાલ’ જાણીતા છે. તેઓ તેમનો તરલા દલાલ બ્લોગસ્પોટ પણ ચલાવતા હતા.
• તરલાબેનને 2007માં ભારત સરકારે પદ્મશ્રી એવોર્ડથી સમ્માનિત કર્યા હતા.
• ૧૦૦ થી વધારે વેજીટેરીયન રસોઇ(પાકશાસ્ત્ર) સંબંધીત પુસ્તકો

આજની યુવાપેઢી કયા રસ્તે?


વિચાર કરતા કરી દે તેવો એક ઈમેલ મળ્યો. આભાર ભાઈશ્રી. નિખિલ દરજીનો.

આમ તો એ સંદેશની સાથે હતો  - તેમના મનને અસર કરી ગયેલો, રીડ ગુજરાતી પર પ્રસિદ્ધ થયેલો ભાઈશ્રી. દિનેશ પંચાલનો લેખ ….

ચિત્ર પર 'ક્લિક'કરો અને એ લેખ અચૂક વાંચો.

ચિત્ર પર ‘ક્લિક’કરો અને એ લેખ અચૂક વાંચો.

લેખ સરસ છે. સામ્પ્રત સમાજની અનેક સમસ્યાઓમાંની એકને પડદા ચીરી, પ્રકાશમાં લાવે છે. એ લેખના અંતમાં નીચેની વાત છે-

       કોઈ મિલ ટકાઉ સાડીનું ઉત્પાદન કરવા માગતી હોય તો તેણે સાડીમાં વપરાતા તાર કાચા ન રહી જાય તેની તકેદારી રાખવી પડે છે. દેશને મજબૂત બનાવવો હશે તો પ્રત્યેક નાગરિક શિષ્ટ, સંસ્કારી અને સમજદાર હોવો જોઈશે. આજ પર્યંત એવું સાંભળતા આવ્યા છીએ કે ભારતનું ભાવિ વર્ગખંડોમાં આકાર લઈ રહ્યું છે. પણ યુવા પેઢી પર નજર કરતાં એવી દુઃખદ પ્રતીતિ થાય છે કે દેશનું દુર્ભાગ્ય યુવાનોમાં ઉછરી રહ્યું છે !

- દિનેશ પાંચાલ

નીચેના વિચારો સ્વાભાવિક રીતે મનમાં આવી ગયા…..

આ લેખ લખનાર જ્યારે યુવાન હતો; ત્યારે …..

  • આવા લેખ નહોતા.  છાપવાની જરૂર જ ન હતી. 
  • ‘ઓલ્ડ વોઝ ગોલ્ડ’
  • અત્યારની પેઢી બગડી ગઈ છે.
  • સરકાર નકામી છે.
  • શિક્ષણ તંત્ર સડી ગયું છે. 
  • આવું બધું વિચારવાનું છોડીને પરલોક સુધારવા ભજન કરીએ તો?

       વાત તો સાચી છે; વિચારતા કરી દે તેવી છે; પણ.. અહીં એક સાવ અલગ જ વાત કહેવી છે. આમ વિચારવું એ સારી વાત છે; પણ એનો ઉકેલ મેળવવા મથવું એ બીજી વાત છે.

      નોંધી લો…. અહીં ‘મથવું’ શબ્દ વાપર્યો છે – વિચારવું નહીં .( જેમ આ લખનાર વિચારી રહ્યો છે તેમ ! )

      પણ… એવા ય ગુજરાતી સજ્જનો અને સન્નારીઓ છે –  જે આમ વિચારીને બેસી નથી રહ્યાં; સરકારને, ધર્મ પ્રચારકોને, અન્ય – તન્ય ને ગાળો ભાંડીને હાથ ઊંચા નથી કરી દીધા. એમણે આ માટે પોતે શું કરી શકે , તે માટે ભેગા મળી ચર્ચા કરી; એક સંગઠન, એક કાર્ય જૂથ બનાવ્યું છે. અને ગુજરાતના અનેક શહેરોમાં એ માટે પ્રવૃત્તિ શરૂ કરી દીધી છે. એમના મોભી તો ગુજરાત રાજ્યના એક નિવૃત્ત પોલિસ ઓફિસર છે.

      નિખીલ ભાઈને, દિનેશ ભાઈને, મને, તમને, સૌને  વ્યથામાં ગરકાવ નહીં;  પણ પોરસ ચઢાવે તેવી કામગીરી તેમના મિત્રો સાથે તેમણે આરંભી દીધી છે. આ રહ્યા એ પોરસ ચઢાવી દે, તેવા સમાચાર…

     અને રાહ જુઓ..

    આ કામમાં સહભાગી એવાં
એક ઘણાં જાણીતાં બહેનનો
આ પ્રવૃત્તિ અંગેનો  સ્વાનુભવ
…..આવતી ટપાલમાં 

બાળઘડતર થકી વિશ્વશાંતિની દિશામાં


       સુરતના પોલિસમેન(!) અને મિત્રોનું આવકાર્ય, અનુકરણીય, સ્તુત્ય અભિયાન.

[ આમ તો હસમુખભાઈ પટેલ સુરતના નાયબ પોલીસ મહાનિરીક્ષક છે. પણ બાલમાનસ માટે સંવેદનશીલ જણ છે. વિપશ્યનાના સાધક પણ છે. તેમનો સ્પ- પરિચય આ રહ્યો.

એમનો સંદેશો બહુ જ ગમી ગયો.  આ રહ્યો.

વ્હાલા મિત્ર,

        આપણે Parenting for Peace (બાળઘડતર થકી વિશ્વશાંતિની દિશામાં) અભિયાન ચલાવી રહ્યા છીએ. હાલ સુરતના મિત્રો મળી વ્યવસ્થિત રીતે કામ કરી રહેલ છે.

અમારું વિઝન ‘પ્રેમ અને આનંદભર્યા બાળપણ દ્વારા શાંતિપૂર્ણ સમાજનું નિર્માણ’ છે.

બાળક ખૂબ જ પ્રભાવક્ષમ હોય છે તે જે અનુભવે છે તે શીખે છે. જો તેઓ પ્રેમ અને આનંદ પામે છે તો તે સમાજને પ્રેમ અને આનંદ પાછો આપે છે. જો તેઓ હિંસાનો અનુભવ કરે તો સમાજને હિંસા પાછી મળે છે. જો આપણે સમાજમાં શાંતિ ઈચ્છતા હોઈએ તો આપણે આ વિષચક્ર તોડવું પડશે, તેની શરૂઆત બાળઉછેરથી કરવી પડશે.

આ વિભાવનાને આધારે આ પ્રવૃત્તિ રાજયભરમાં વ્‍યવસ્‍થિત રીતે શરૂ થાય તે હેતુથી તા. ૧૯–૨૦ જુલાઈના રોજ સુરત ખાતે રાજયકક્ષાનું બે દિવસનું સંમેલન આયોજવામાં આવ્યું હતું, જેમાં ગુજરાતના વિવિધ શહેરોમાંથી સામાજીક, શૈક્ષણિક સંસ્થાઓમાંથી સક્રિય પ્રતિનિધિઓએ ભાગ લીધો હતો,સંમેલનને ખૂબ સારો પ્રતિભાવ મળ્યો છે. તે અનુસંધાને ગુજરાતના વિવિધ શહેરોમાં (અમદાવાદ, રાજકોટ, સુરત, ભાવનગર, વલસાડ, વડોદરા, કરજણ,નવસારી) અભિયાનના વિઝનને ધ્યાનમાં રાખી Parenting for Peaceના બેનર હેઠળ બાળઉછેરને લગતી પ્રવૃતિઓ હાથ ધરવામાં આવી હતી.  

  આ અભિયાનનું કેન્‍દ્રબિંદુ સુરત છે. સુરતમાં નિષ્‍ણાતો ઉપલબ્‍ધ છે જેઓ રાજયમાં અને રાજય બહાર પ્રશિક્ષકો તૈયાર કરવાની તાલીમ આપવા જાય છે. સુરતમાં આ કાર્ય વિશાળ ફલક પર થઇ શકે તેમ છે.  સુરતમાં આ પ્રવૃત્તિનો વ્‍યાપ વધારવા,સુરત આ પ્રવૃત્તિમાં અગ્રેસર રહે તે હેતુથી તા. ૧૨/૧૦/૧૪ ના રોજ સુરત ખાતે આવા જ એક એક દિવસીય સંમેલનનું આયોજન કરવામાં આવ્‍યું છે.

કાર્યક્ર્મ સ્થળ : એલ.પી.સવાની ઈન્ટરનેશનલ સ્કુલ, ‘વ્હાઈટ હાઉસ’, SUDA આવાસ પાસે, પાલ, સુરત.

લેન્ડમાર્ક : એલ.પી.સવાણી સર્કલથી પશ્ચિમ દિશા તરફ આશરે ૨ કિ.મી, એલ.પી.સવાણી રોડ, અડાજણ.

રજીસ્ટેશન અને બ્રેક ફાસ્ટ : સવારે ૭.૩૦ થી ૮.૩૦ વાગ્યા સુધી

(અગાઉ રાજય કક્ષાના સંમેલન વખતે ભાગ લેવા ઇચ્‍છતા સુરતના ઘણા મિત્રોને વ્‍યવસ્‍થાની મર્યાદાને કારણે સમાવી શકાએલ નહિ. ત્‍યારે તેઓને સુરત માટે અલગ સંમેલન કરવાની ખાતરી આપેલ.) 

 

સંમેલનનો હેતુ નીચે મુજબ છે.   

(૧)  અભિયાનના ધ્યેય તથા પ્રવૃતિઓ વિશે માહિતી આપવી.

(૨)  આપની વ્‍યકિતગત કે સંસ્‍થાકિય પ્રવૃતિઓ વિશે માહિતી મેળવવી.

(૩)  દરેક સંસ્‍થા/વ્યક્તિ માટે બાળઘડતરના કાર્યક્રમને અમલમાં મુકવા માટે એકશન પ્‍લાન તૈયાર કરવો.

(૪) ભવિષ્યમાં એકબીજાને મદદરૂપ થઇ શકીએ, જોડાએલા રહી શકીએ તે માટેનું પ્લેટફોર્મ વિચારવું.

(પ) હાલમાં આ અભિયાન જે પ્રવૃત્તિ કરી રહ્યું છે તેનો વ્‍યાપ વધારવા તેમજ નવી પ્રવૃત્તિઓ સામેલ કરવા માટે આપના સૂચનો લેવા.

નોંધઃ- ઉપરાંત બાળઉછેરને લગતાં ૩ પ્રેઝન્‍ટેશનો આપવામાં આવશે. ભાગ લેનારાઓ પ્રશિક્ષક તરીકે તેનો ઉપયોગ કરી શકશે.

        સંમેલનને અંતે અભિયાનમાં જોડાઇ મા-બાપ તથા શિક્ષકોની તાલીમ આપવા નિર્ણય કરનારા લોકોને તે પછીના દિવસોમાં રજાના દિવસે તાલીમ ગોઠવી બાળ ઉછેરને લગતા કુલ-૧૭ પ્રેઝન્‍ટેશનોની તાલીમ તથા C.D. આપવામાં આવશે.

        અમે એવા લોકોને સામેલ કરવા માગીએ છીએ જેઓ આ દિશામાં કામ કરી રહ્યા છે. અથવા કરવા ઇચ્છુક અને સક્ષમ છે તથા નેતૃત્વ લઇ સમાજના મોટા વર્ગ ઉપર અસર પાડી રહ્યા છે/ પાડવા શકિતમાન છે.

         સંમેલનમાં સહભાગી થવા ઈચ્છુક મિત્રોએ આ સાથે મોકલેલ ફોર્મ અનુકુળ ભાષામાં ભરી ઇ મેઇલ કરશો. વધુ માહિતી માટે શ્રી વૈભવ પરીખ- 9099010677 પર સંપર્ક કરવો. સંમેલનમાં સુરત બહારના લોકો પણ જોડાઇ શકે છે.

કૃતજ્ઞતા સહ, 

આભાર સહ

હસમુખ પટેલ 

વધુ વિગતો માટે સંપર્ક કરો :

(૧)    ડૉ. રુદ્રેશ વ્યાસ      :      ૯૮૭૯૫ ૩૪૯૧૭ 

(૨)    ડૉ.કમલેશ પારેખ     :     ૯૮૨૪૧ ૩૭૯૪૭

(૩)    ડૉ.સુષ્મા દેસાઇ      :      ૯૮૨૪૩ ૯૯૦૨૯

(૪)   શ્રીમતી ગીતાબેન શ્રોફ :     ૯૮૭૯૦ ૧૧૧૯૩

(૫)   શ્રી વૈભવ પરીખ      :     ૯૦૯૯૦ ૧૦૬૭૭ 

Parenting for Peace Team

અમૃત કેશવ નાયક, Amrut Keshav Nayak


Amrit Keshav Nayak_2
- એક પરિચય

-

-

-

-

-

-

-

 

—————————————————

જન્મ

  • ૧૮૭૭, અમદાવાદ

અવસાન

  • ૨૯, જૂન-૧૯૦૬

અભ્યાસ

  • ચાર ધોરણ સુધી, બે ધોરણ ઉર્દૂમાં

Amrit Keshav Nayak_1

તેમના વિશે વિશેષ

  • ૧૮૮૮ – ૧૧ વર્ષની ઉમરે આલ્ફ્રેડ નાટક કમ્પનીમાં નટજીવનનો પ્રારંભ
  • ૧૫ વર્ષની ઉમરે ‘અલાઉદ્દીન’ નાટકનું દિગ્દર્શન અને ‘લયલા’ તરીકે અભિનય. તેમના કામથી પ્રભાવિત થઈ આલ્ફ્રેડ નાટક કમ્પનીના ડિરેક્ટરે તેમને આસિ. ડિરેક્ટરનો હોદ્દો આપ્યો.
  • શેકસ્પિયરનાં નાટકો ‘હેમ્લટ. અને ‘રોમિયો જુલિયેટ’ ને હિન્દી રંગમંચ પર ઉર્દૂ ભાષામાં ઉતારવાની પહેલ કરી.
  • ધંધાદારી રંગભૂમિના ગીતલેખક, સંગીત વિશારદ
  • કલકત્તાના ‘અમૃત બઝાર પત્રિકા’માં અંગ્રેજી રાજ્યની વિરૂદ્ધ લેખો પણ લખ્યા હતા.
  • પારસી રંગભૂમિના બહુ જ લોકપ્રિય કલાકાર.

રચનાઓ

  • નાટક – ભારત દુર્દશા
  • નવલકથા – એમ.એ. બનાકે ક્યું મેરી મિટ્ટી ખરાબ કી?, મરિયમ,
  • અધૂરાં પુસ્તકો- સંસ્કૃત અને ફારસી ભાષાનો પરસ્પર સંબંધ, નાદિરશાહ

સાભાર

  • ડો. કનક રાવળ
  • ગુજરાતી સાહિત્ય કોશ

 

ગુજરાતી ચોપડીઓના ખજાના


    દસ બાર વરસ જૂના ગુજરાતી નેટ જગતમાં ઈ-બુક બનાવવી અને બ્લોગ કે વેબ સાઈટ પર મુકવી એ હવે નવી વાત નથી. પણ……આખા ને આખા ખજાના વિનામૂલ્યે વિશ્વ ભરના ગુજરાતીઓ માટે ખુલ્લા મુકી દેવા જેવાં સત્કાર્યો પણ શાણાં, કલ્યાણકારી ભાવના વાળાં સજ્જનો અને સન્નારીઓ કરી રહ્યાં છે. એ જાણીને વાચકોને જરૂર આનંદ થશે.

     લો એ બધી વેબ સાઈટો પર ઘુમી વળો…

પુસ્તકાલય

આ ચિત્ર પર ક્લિક કરો.

આ ચિત્ર પર ક્લિક કરો.

પ્રતિલીપી

આ ચિત્ર પર 'ક્લિક' કરો.

આ ચિત્ર પર ‘ક્લિક’ કરો.

અક્ષરનાદ

આ ચિત્ર પર ક્લિક કરો

આ ચિત્ર પર ક્લિક કરો

અલબત્ત આ અગાઉ આપેલી માહિતી અનુસાર ‘ગુજરાતી વિકિ સ્રોત’ તો ખરું જ.

મળવા જેવા માણસ – સુરેશચંદ્ર શેઠ


SM_Sheth

        સુરેશચંદ્રભાઈનો જન્મ વર્ષ ૧૯૪૩માં ભાવનગર જિલ્લાના નિંગાળા ગામમાં, એક દશાશ્રીમાળી કુટુંબમાં થયો હતો. પિતા ચાર ધોરણ સુધી ભણેલા હતા, પણ એ એક બહાદુર સ્વતંત્રતા સેનાની હતા. જીવનનો સારો એવો ભાગ એમણે ભારતની આઝાદીની લડત માટે વિતાવ્યો હતો. માતા બે ધોરણ સુધી ભણેલાં હતાં, પણ એમને વાંચનનો ઘણો શોખ હતો.

     પ્રાથમિક શાળાના ત્રીજા ધોરણ સુધીનો અભ્યાસ મુંબઈની મરીના મોડર્ન સ્કૂલમાં કરેલો, પણ ત્યારબાદ પિતાને ધંધામાં આર્થિક નુકસાન જવાથી શહેરમાં રહેવું શક્ય ન હતું; તેથી તેમણે જોરાવરનગરની જૈન સ્કૂલમાં ચોથા અને પાંચમા ધોરણનો અભ્યાસ કર્યો. છઠ્ઠા ધોરણથી SSC સુધીનો અભ્યાસ સુરેન્દ્રનગરની શેઠ એન.ટી.એમ. હાઈસ્કૂલમાં કર્યો. ૧૯૫૯માંSSC પરીક્ષામાં પાસ થઈને સુરેન્દ્રનગરની જ એમ.પી.શાહ આર્ટ્સ એન્ડ સાયન્સ કોલેજમાં દાખલ થયા. અહીંથી B.A.સુધીનો અભ્યાસ પૂરો કરી એમ.જે. કોલેજ ઓફ કોમર્સમાંથીB.Com. નો અભ્યાસ કર્યો.

       ૧૯૬૮ના જૂન મહિનામાં એમને ધ ગુજરાત રાજ્ય સહકારી બેંકમાં નોકરી મળી. પગાર માત્ર ૧૫૦ રૂપિયા !  બેંકની નોકરીમાં એમની લેખનકળા કામ લાગી. એમની ઑફિસનોંધો અને પત્રવ્યહવારની ક્ષમતા વખણાવા લાગ્યાં. એમને એમના રસ અનુસાર જ કામગીરી મળી એનો એમને આનદ હતો. બેંકમા ક્લાર્ક તરીકે જોડાઈને ડેપ્યુટી ચીફ ઑફિસરની પોસ્ટ સુધી પહોંચ્યા, જેમાં એમની નિષ્ઠા, ધગશ અને અવિરત કામ કરવાની આદતનો મુખ્ય ફાળો હતો. એમણે બેંકના મુખપત્ર “સહકાર”નું તંત્રીપદ પણ સંભાળ્યુ અને નિવૃત્ત થયા પછી બેંકની  ઍકડેમિક  ઇન્સ્ટિટ્યૂટમાં અને અર્બન બેંક્સ ફેડરેશનમાં મંત્રી તરીકે પણ કામગીરી સંભાળી.

      આ બેંકની નોકરીની શરૂઆતમાં એક રસિક વાત બનેલી. શ્રી શેઠ જ્યારે બેંકમાં જોડાયા અને પ્રોબેશન પર હતા, ત્યારે જ બીજા એક શ્રી શેખ પણ નવા જોડાયેલા અને પ્રોબેશન પર હતા. કામ દરમ્યાન શેખની ભૂલો શેઠના નામે રિપોર્ટ થતી.સારા નસીબે સમયસર એ ભૂલો સુધારી લેવામા આવી અને શેઠ કાયમ થયા અને શેખને છૂટા કરવામાં આવ્યા.

          એમને લખવાનો શોખ બહુ જ નાની વયથી હતો. છેક બાળપણમાં “બાલજીવન” નામના એક સામયિકમાં એમની એક બાળવાર્તા છપાઈ હતી. એ પછી કોલેજકાળમા મુંબઇથી નીકળતા ” મહેંદી” નામના માસિકમાં પણ એમની ઘણી વાર્તાઓ છપાઈ હતી. આજસુધીમાં ઐતિહાસિક ભૂમિકાના આધાર ઉપર ચાર મોટી નવલકથાઓ એમણે લખી છે, જે એમણે વર્ડપ્રેસના બ્લોગ્સમાં અને ફેસબુકમાં મૂકી છે. સાહિત્ય પ્રત્યેના પ્રેમની વાત કરતાં તેઓ કહે છે, “સાહિત્યસંગ એમારી મનગમતી પ્રવૃત્તિ છે. બેન્કમાં લીલીછમ નોટોની સંગતકરતાંકરતાં પણ સાહિત્યનો સાથ જળવાઈ રહ્યો. ઘણું લખ્યું છે,લખ-વા જ થયો છે એમ કહો ને ! અને એનો ક્યાં કોઈ ઇલાજ છે?”

તેમના આ બ્લોગ પર પહોંચવા ચિત્ર પર 'ક્લિક' કરો.

તેમના આ બ્લોગ પર પહોંચવા ચિત્ર પર ‘ક્લિક’ કરો.

        નિવૃત્તિ પછી બેસી રહેવું એમને ગમ્યું ન હતું, એટલે કોમ્પ્યુટરના ક્લાસ ભરીને તેઓ કોમ્પ્યુટરના પ્રાથમિક પાઠ શીખ્યા. એમને લાગતું હતું કે નવા યુગનું આ શસ્ત્ર શીખવા જેવું તો છે જ. તેઓ કહે છે કે “કોમ્પ્યુટર હોય અને નેટ કનેક્શન હોય તો વખત ક્યાં પસાર થઈ જાય એ ખબર પણ પડતી નથી. નિવૃત્તિએ મને વધારે પ્રવૃત્તિમય બનાવી દીધો છે.જિંદગી જીવવાની મજા માણી રહ્યો છું. હરેક દિવસ એક નવીશીખ લઈને આવે છે. શીખતો રહ્યો છું, શીખતો રહીશ.”

       એમના લખાણ વિષે સુરેશચંદ્રભાઈ કહે છે, “અલગ અલગ સાંપ્રત સમસ્યાઓ જ્યારે મનને વલોવી નાખે, ત્યારેવિચારવમળો પેદા થાય એ અહીં રજૂ કરવાનો નમ્ર પ્રયાસ કરું છું. આ મારા અંગત વિચારો છે. મને કોઈ પ્રત્યે પૂર્વગ્રહ નથી.મારા વિચારોને કારણે જો કોઈને મનદુઃખ થાય તો ક્ષમા પ્રાર્થુંછું.”

      વધુમાં તેઓ કહે છે, “કામમાં કદાપિ આળસ કે બેવફાઈ કરવાનો વિચાર સુદ્ધાં મને નથી આવ્યો. નોકરી દરમિયાન મેં બહુ ઓછી રજાઓ લીધી છે. નિવૃત્તિ વખતે મેં એકત્ર થયેલી લગભગ ૧૦૦ જેટલી રજાઓનો પગાર encash કરાવ્યો છે,કારણ કે મને મારું કામ એટલું બધું ગમતું કે કારણ વગર ઘરે બેસવું ગમતું નહીં.”

SM_Sheth_1

       સુરેશચંદ્રભાઈનાં લગ્ન ૧૯૬૬માં થયાં હતાં. એમનાં પત્ની પુષ્પાબેન બહુ જ ધાર્મિક વ્યક્તિ છે. એમની બે પુત્રીઓ,વિશાખા અને મલ્લિકા પરણીને અમદાવાદમાં જ સ્થિર થયેલ છે.  હાલની પ્રવૃતિઓ વિષે સુરેશચંદ્રભાઈ કહે છે, “દર રવિવારે બધાં મળીએ છીએ. સંગીત, ગીતો ગાવાં,હારમોનિયમ-કેશિયો પર ધૂન વગાડવી, ફ્લ્યુટ ઉપર એ ગીતોની તર્જ વગાડવી, ઇતિહાસનું વાંચન, ઐતિહાસિક વાર્તાઓ લખવી એ મારી આજની પ્રવૃત્તિ છે. ફેસબુક અને બ્લોગ્સમાં લેખો અને વાર્તાઓ લખતો રહું છું. વર્ડપ્રેસમાં ” વિચારધારા’”નામથી મારો બ્લોગ ચલાવું છું.”

       “સાદગીપૂર્ણ, તેમજ સાંપ્રત સમાજની રીત મુજબની જીવનપદ્ધતિ છે. બહુ સંઘર્ષ વેઠવો પડ્યો નથી, ગરીબી જોઈ છે, પણ એ વખતે ગરીબી સામે બહુ ફરિયાદ ન હતી. હાથખર્ચી માટે મેં એક માર્ગ શોધી કાઢ્યો હતો. પિતાની રાજકીય પ્રવૃત્તિઓના કારણે ઘરમાં રેંટિયો એક અગત્યનું સાધન હતું. હું અને મારો ભાઇ જોરાવરનગરના શાંત વાતાવરણમાં રેંટિયો ચલાવતા. વઢવાણ વિકાસ વિદ્યાલયમાં ખાદી વિભાગમાંથી પૂણીઓનાં બંડલ લઈ આવતા અને તેનું સુતર કાંતીને તેમને પાછું આપતા. મારું સુતર 40 નમ્બરથી પણ બારીક આવતું, એટલે એના પૈસા વધુ મળતા.”

        “માતાપિતા પાસે કદી કોઈ વસ્તુ લઈ આપવા જિદ કરી નથી. જે હતું એમાં જ ચલાવ્યું છે. ઘરમા વીજળી ન હતી. કેરોસિનનાં ફાનસોના અજવાળે વાંચીને ભણ્યા છીએ, પણ એ સમયે કોઈ ફરિયાદ ન હતી.”

       સુરેશચંદ્રભાઈ એટલે સાદગી, સંતોષ અને આનંદનો ત્રિવેણી સંગમ.

-પી. કે. દાવડા

Follow

Get every new post delivered to your Inbox.

Join 448 other followers