રમેશ પારેખ

સાંવરીયો રે! મારો સાંવરીયો.

હું તો ખોબો માંગું, ને તે તો દે દરિયો.

- # કૃતિઓ   :  છ અક્ષરનું નામ

_________________________________ 

ઉપનામ           છ અક્ષરનું નામ

જન્મ               27-11-1940- અમરેલી

અવસાન           17-5-2006 – રાજકોટ

માતા              ?

પિતા               મોહનલાલ  

ભાઇ બહેન        કાંતિભાઇ 

લગ્ન               વર્ષ- ? રસીલા  

સંતાનો            નીરજ, નેહા  

અભ્યાસ           1958- મેટ્રીક   

વ્યવસાય          1960 પછી અમરેલી જિલ્લા પંચાયતમાં,  

પ્રદાન             અનેક પ્રકારની છાંદસ, અછાંદસ કવિતા, ગીત, ગઝલ, સોનેટ, બાલ કવિતાઓ, બાલ કથાઓ, ચિંતનાત્મક લેખો, સંપાદન, વાર્તાસંગ્રહ, નાટક, સોનલ કાવ્યો, આલા ખાચર કાવ્યો, મીરાં કાવ્યો સહિત અનેક પ્રકારના કાવ્ય પ્રકારોમાં ખેડાણ

મૂખ્ય કૃતિઓ      કવિતા – ક્યાં, ખડિંગ, ત્વ, સનનન, ખમ્મા આલાબાપુને, મીરાં સામે પાર,
વિતાન સુદ બીજ, લે તિમિરા, સૂર્ય, છાતીમાં બારસાખ, ચશ્માનાં કાચ પર, સ્વગત પર્વ, સમગ્ર કવિતા – છ અક્ષરનું નામ ; વાર્તા સંગ્રહ – સ્તનપૂર્વક , નાટકો- સગપણ એક ઉખાણું, સુરજને પડછાયો હોય,

જીવન            શરુઆતના જીવનમાં સંગીત, ચિત્રકળ અને જ્યોતિષમાં ઊંડો રસ.  1959-  વાર્તા લેખનથી શરૂઆત -પહેલી વાર્તા ‘પ્રેતની દુનિયા’ ચાંદની માસિકમાં છપાઇ , સૌથી પહેલી કવિતા ‘ચશ્માનાં કાચ પર’ – ‘રે’ મઠના ‘કૃતિ’ સામાયિકમાં છપાઇ,   અનિલ જોશી કવિતા માટે ગુરૂ અને પરમ મિત્ર, ‘સોનલ’ તેમની કાલ્પનિક કાવ્ય મૂર્તિ ,  19993- અમરેલીમાં તેમના કાવ્ય સંગ્રહ ‘છ અક્ષરનું નામ’ ની તેમની હાજરીમાં સન્માન યાત્રા રૂપે એક માત્ર ગુજરાતી કવિ જેમનું જાહેર જનતાએ સન્માન કર્યું હોય, તેમની અનેક રચનાઓ લય-બધ્ધ થયેલી છે.    

સન્માન            1982- નર્મદ સુવર્ણ ચંદ્રક , 1986- રણજિતરામ  સુવર્ણ ચંદ્રક, 1994- દિલ્હી સાહિત્ય અકાદમીનો પુરસ્કાર, ગિજુભાઈ બધેકા સુવર્ણચંદ્રક, કલાગૌરવ સુવર્ણચંદ્રક, ગુજ. રાજ્ય ફિલ્મ એવોર્ડ, ક્રિટીક્સ એવોર્ડ અને અન્ય ઢગલોક પુરસ્કારો.

સાભાર             ગુર્જર સાહિત્ય ભવન – અમૃતપર્વ યોજના, ગુજરાત ટાઇમ્સ, ડો. વિવેક