કિસન સોસા, Kisan Sosa

પ્રેરક અવતરણ
“દરેક દરિદ્ર માણસનું ફાટેલું પહેરણ એ મારો રાષ્ટ્રધ્વજ છે” – ચેગ્વારા

“અહીંથી જવાય ક્ષણ તરફ, અહીંથી સદી તરફ,
અહીંથી જવાય રણ તરફ, અહીંથી નદી તરફ.”

” જોવ કોની વાટ આ માણસ વગરના મુલ્કમાં,
લ્યો સમેટી લો જાગરણ, ક્યારેય નૈ કોઇ મળે. ”

” રાધાની છાતી પર ઝૂકીને કોઇક વાર
રોયા હશે ઘનશ્યામ.
હિમાળા ઢાળેથી ઢળ્યું હશે પછી,
શ્યામળી જમનાનું નામ.”

” ઘડિયાળના
કાંટા, ઢાંકી દીધા છે
તરુ- ડાળીએ
ને ફૂલો નિહાળીએ ! ”  – એક તાન્કા

‘થોર પર બેઠેલું પતંગિયું’ – પોતાને માટે આપેલી ઉપમા

# તેમના કાવ્યોનો અગ્રેજીમાં અનુવાદ

____________________________________________________________________

સંપર્ક – પ્રણામી મંદિર પાસે, સૈયદપરા, સુરત – 395003

જન્મ

• 4 એપ્રિલ, 1939, સુરત
• મૂળ વતન – સથરા – સૌરાષ્ટ્ર

કુટુંબ

• માતા – રતનબેન, પિતા – નાથુભાઈ
• પત્ની – અમરબાઈ( લગ્ન –  1977 ) ; સંતાન – ચાર

અભ્યાસ

• પ્રાથમિક શિક્ષણ (અને છતાં કોઠાસૂઝથી નીવડેલા કવિ!)

વ્યવસાય

• સુરત નગરપાલિકામાં નોકરી

જીવનઝરમર

• સર્વપ્રથમ મૌલિક પ્રકાશિત કૃતિ – ત્રીજા વિશ્વયુદ્ધ પછી
• પ્રતિષ્ઠિત માસિક “કુમાર”માં કૃતિ પ્રકાશિત થતાં આનંદની લાગણી
• ‘સહરા’ તથા ‘એવા વળાંક પર;  કૃતિઓએ કવિને વિશેષ પ્રસિદ્ધિ અપાવી.
• સંગીત, ચિત્રકળામાં રુચિ
• પાઠપૂજા કે વિધિઓમાં આસ્થા નહીં. ઈશ્વર કે ગુરુ પર શ્રદ્ધા નહીં.
• તેમની અમુક કૃતિના અંગ્રેજીમાં અનુવાદ થયા છે.

મુખ્ય રચનાઓ    –   ગઝલ, અછાંદસ કાવ્યો, તાન્કા, બાળકાવ્યો વગેરેની રચનાઓ પાંચેક પુસ્તકો પ્રકાશિત.

• કવિતા – સહરા, અવનિતનયા, સૂર્ય જેમ ડૂબી ગયું હાર્મોનિયમ

સન્માન

• ત્રણ કાવ્યસંગ્રહોને ગુજરાત સાહિત્ય અકાદમીના પુરસ્કાર

સાભાર

• સાક્ષરનો સાક્ષાત્કાર – 3, શ્રી રાધેશ્યામ શર્મા (રન્નાદે પ્રકાશન)