આસિમ રાંદેરી, Asim Randeri

હાલ જીવંત સૌથી વૃધ્ધ ગુજરાતી શાયર

- આજે તેમની 104મી વર્ષગાંઠે બ્લોગ જગત તરફથી હાર્દિક શુભેચ્છા.

#  પ્રશંસામાં નથી હોતી કે નિંદામાં નથી હોતી.
મઝા જે હોય છે ચુપમાં, તે ચર્ચામાં નથી હોતી.

 
#  મારી એ કલ્પના હતી એ વીસરી મને
કિન્તુ એ માત્ર ભ્રમ હતો થૈ ખાતરી મને.
ભૂલી વફાની રીત ન ભૂલી જરી મને
લ્યો એનાં લગ્નની મળી કંકોતરી મને

જુવાની મહોબ્બતના દમ લઇ રહી છે
મને દિલની ધડકન ખબર દઇ રહી છે
પ્રણય રૂપના રંગ જોવાને માટે
બધાની નજર એ તરફ થઇ રહી છે
જુઓ લીલા કોલેજમાં જઇ રહી છે.” ……   સાંભળો અને માણો 

તેમના પોતાના જીવન વિશે એક લેખ ‘આદિલ મન્સુરી’ની વેબ સાઈટ ‘ગઝલ ગુર્જરી’ ના એક અંકમાં આપેલો છે.

___________________________________________________________

નામ

• સૂબેદાર મહમૂદમિયાં મોહમ્મદ ઇમામ

ઉપનામ

• આસિમ

જન્મ

• 15 ઓગસ્ટ- 1904 ; રાંદેર- સુરત જિ.

અભ્યાસ

• મેટ્રિક

વ્યવસાય

• 1928-32 ઈસ્ટ આફ્રિકામાં ‘કેન્યા ડેઈલી મેઈલ’ના તંત્રીવિભાગમાં
• 1932થી – મુંબાઈમાં સ્વિડિશ મેચ કમ્પનીની શાખા વલ્કન ટ્રેડિંગ કમ્પનીમાં સેલ્સમેન.

જીવનઝાંખી

• મેટ્રિક બાદ પિતાનું અરબસ્તાનમાં અવસાન થતાં પરદેશગમન
• 1950 – ‘લીલા’ માસિકની સ્થાપના
• 1965 – નિવૃત્ત
• 1965-71 કોલમ્બો, આફ્રિકા, અરબસ્તાન, માડાગાસ્કર, મોરેશિયસ વિ. દેશોમાં પ્રવાસ અને ત્યાંની ભારતીય સંસ્થાઓ અને ટી.વી. કેન્દ્રો પર ગુજરાતી/ ઉર્દૂ શાયરીની રજૂઆત
• 1973 – યુ.કે., કેનેડા, અમેરિકાનો પ્રવાસ
• હાલ અમેરિકામાં કેલીફોર્નિયામાં નિવાસ

રચનાઓ

• કાવ્ય – લીલા( સળંગ પ્રણયકથા જેવી વિશેષ રજૂઆત). શણગાર
• ઈતિહાસ – નાયતવાડાની વડી જુમ્મા મસ્જિદનો પ્રાચીન ઈતીહાસ ( 800 વર્ષ પહેલાં અરબસ્તાનથી રાંદેર આવેલા ‘નાયત’ અરબોની તવારીખ)

સાભાર

•  ગુજરાતી સાહિત્ય કોશ, ભાગ -2