સરૂપ ધ્રુવ, Sarup Dhruv

મરદ સમોવડી બનવાના કોઇ અભરખા ન સેવતી છતાં પણ એક બંડખોર કવયિત્રી

“ટ્રેડીશનલ ઇમેજ તોડવાનો સ-રૂપ અર્થ” – રાધેશ્યામ શર્મા

“ કુંવારા માતૃત્વને આવકાર હરગિજ નહીં. સંતાનની જવાબદારીમાંથી પુરુષને શા માટે છટકી જવા દેવો?” – તેમનો એક અભિપ્રાય

તેમની  રચનાઓ –

“ લોકોની આંખે રડે અને લોકોની આંખે હસે – એવું કવિપણું તો મેઘાણીભાઇની સાથે મરી પરવાર્યું હતું, પણ એ કવિપણાને હું જીવંત રાખવા મથું છું. ગૌણ કવિ ગણાઇ જવાનો કોઇ ભય નથી.”

“મળ્યો વારસો દાંત ને નહોરનો બસ !
અસરગ્રસ્ત ભાષા ભસું છું, હું મિત્રો ! “

”અહીં બંધ મુઠ્ઠીમાંથી તણખા ઝરે છે,
ખૂલે મુઠ્ઠી જ્યારે, ભસમ સબ કરે છે.”

“ ધરમનું અફીણ પાઇ પાઇને ઘેનના ઘોડિયે
હીંચોળ્યે રાખ્યા છે, જેથી આપણે આ જીવનના,
આ મળેલા શ્વાસોના સાચા હક્ક માગીએ નહીં”

“ શબ્દો તો સાલા ફેમીલીરૂમનું ફ્લેપડોર બની ગયા છે.”

પ્રેરક અવતરણ
“ કો’ક મોસમ આવશે ને મ્હોરશું
ડાળ પર વળગેલ છો કાગળ છીએ.” – પોતાની એક ગઝલનો શેર

રચનાઓ  ઃ ૧ ઃ ૨ ઃ ૩

#  ‘સફરનામા’ વિશે – વેબ ગુર્જરી પર લેખ

# ટૂંક પરિચય   :  એક અવલોકન

#  કવિતાઓનો અંગ્રેજીમાં અનુવાદ   –  1  –  :   – 2 –

_______________________________________________________________

જન્મ

• 19 – જુન, 1948 ; અમદાવાદ

કુટુમ્બ

• માતા – અમોલાબેન; પિતા – યોગેશભાઇ
• અપરિણિત

અભ્યાસ

• 1971 –  એમ.એ. ગુજરાત યુનિ.
• 1976  –  વિદ્યાવાચસ્પતિ ( પી.એચ.ડી.) – ગુજરાત વિદ્યાપીઠ

વ્યવસાય

• 1974  – ગુજરાતી ભાષા શિક્ષક- સેંટ ઝેવીયર્સ કેળવણી મંડળ; વ્યાવસાયિક લેખન

                                યુવાન વયે

તેમના વિશે વિશેષ

• લગ્નસંસ્થા એક અનિવાર્ય દૂષણ છે, એમ માનનાર અને ;  લગ્નસંસ્થા વ્યક્તિ વિકાસની અમુક દિશાઓને રૂંધે છે , પુરુષ કે સ્ત્રી અપવાદ નથી, પણ સ્ત્રીઓને વધારે રૂંધે છે.
• સર્જનમાં પ્રેરણામૂર્તિ – લોકો
• ત્રણ ભાષા ઉપરાંત ઉર્દૂ, મરાઠી અને સંસ્કૃત જાણે છે.
• પ્રથમ મૌલિક કૃતિ – 1973 – અ કથા – ‘નિરીક્ષક’માં
• ‘રે’ મઠ અને ‘ હોટલ પોએટ ‘ જેવા ક્રાંતિકારી સમુદાયમાં પણ બડખોર ગણાઇ ગયેલી વ્યક્તિ
• ‘આપણું સાહિત્ય’ , ‘સાબરમતી પૂછે છે’  અને ‘કલમ 1 ‘ ના તંત્રી
• સીગારેટ પીવાની ટેવ પાડેલી પણ સભાન થઇ છોડી દીધી
• ઘરકામ અતિશય વેઠ લાગે છે.
• એક ફિલ્મ બનાવવાનું સ્વપ્ન
• આકાશવાણી અને ટીવી પર ઘણા કાર્યક્રમો આપ્યા છે.
• સમ્પૂર્ણપણે નાસ્તિક; તમામ ધર્મગ્રંથોને વાર્તા કે કલ્પનોત્થ સાહિત્ય માને છે.
• ખૂબ જ વહાલી માતાના મરણ બાદ કોઇ ધર્મિક વિધિ કરાવી ન હતી !
• અ કથા, ઇચ્છાકુંવરી, રમત, હું પૂછું કેમ? સાબરમતી પૂછે છે – આ રચનાઓથી કીર્તિ મળી.
• કાવ્ય, નાટક, શેરી નાટક, ટીવી ડોક્યુમેન્ટરી, ટીવી નાટક માં પ્રદાન
• ટીવી નાટકમાં અભિનય અને દિગ્દર્શન

શોખ

• પાન પરાગ, સોપારીના ટૂકડા

આ મુખ પૃષ્ઠ પર ક્લિક કરી તેના વિશે સરસ અહેવાલ વાંચો.

રચનાઓ

• કવિતા – મારા હાથની વાત, સળગતી હવાઓ, હસ્તક્ષેપ
• ઈતિહાસ – સફરનામા, શહરનામા
• અપ્રકાશિત – ઘણી

લાક્ષણિકતાઓ

• નિર્ભ્રાન્તિઓના પાકા અનુભવ પછી વૈયક્તિક ચેતના આક્રમક, ઉગ્ર અને વ્યગ્ર બને ત્યારે જ એક કવયિત્રીની કલમે આવી બંડખોર રચનાઓ થાય.
• સંક્રમણશીલ અભિવ્યક્તિમાં રૂચિ
• લોકસમૂહ પ્રત્યે વફાદાર
• નિર્ભય કવિચેતનાની ધસમસતી ધખનાની ધૂણી !

સન્માન

• 1983- તખ્તસિંહ પરમાર પારિતોષિક

સાભાર

• સાક્ષરનો સાક્ષાત્કાર – રાધેશ્યામ શર્મા, રન્નાદે પ્રકાશન

Advertisements