ચિનુ મોદી, Chinu Modi

વિધિ નિષેધો સામેનો વિદ્રોહ

અંતર મારું એકલવાયું, કોને ઝંખે આજ?
કામણ કોનાં થઇ ગયાં છે, ના સૂઝે રે કાજ.” – પ્રથમ કાવ્ય

“થાય છે કાયા વગરનો એક પડછાયો હવે
શેખજી! ‘ઈર્શાદગઢ’નો એ નવો હાકેમ છે.”

“દદડતી રેતીમાં ડૂબી જવાની વાત ભૂલી જા
હલેસાં શોધનારાં વ્હાણ પાછાં આવવાનાં છે?”

પ્રેરક વાક્ય –
“ ઠાઠ ભભકા એ જ છે ‘ઇર્શાદ’ના
ઘર બળે તો તાપી જોવું જોઇએ.”
“કોઇ ઇચ્છાનું મને વળગણ ન હો,
એ જ ઇચ્છા છે, હવે એ પણ ન હો.” – પોતાની રચના

# ટૂંક પરિચય 

# રચનાઓનો અંગ્રેજીમાં અનુવાદ

#  રચનાઓ     –   1   –    :      –   2   –    :      –   3    –

–    4    –   :      –   5   –    :      –   6    –      :      –   7   –

#  એક તસબી  :     એક ક્ષણિકા

_________________________________________________________________

સમ્પર્ક             16, જિતેન્દ્ર પાર્ક, શંકર આશ્રમ સામે, પાલડી, અમદાવાદ – 380 007

ઉપનામ

• ઇર્શાદ

જન્મ

• 30- સપ્ટેમ્બર, 1939; વિજાપુર જિ. સાબરકાંઠા

અવસાન

• ૧૯ – માર્ચ, ૨૦૧૭ ; અમદાવાદ

કુટુમ્બ

• માતા-શશિકાન્તા ; પિતા– ચંદુલાલ
• પત્ની-1) લગ્ન – 1958 (કડી) ; 2) હંસા – 1977( અમદાવાદ); સંતાનો – ત્રણ

અભ્યાસ

• પ્રાથમિક શિક્ષણ – વિજાપુર; માધ્યમિક- ધોળકા, અમદાવાદ
• 1954 – મેટ્રિક
• 1958 – બી.એ. ( ગુજરાતી/ ઇતિહાસ) , ગુ.યુનિ.
• 1960 –  એલ.એલ.બી., ગુ.યુનિ.
• 1961– એમ.એ. ( ગુજરાતી/ હિન્દી) , ગુ.યુનિ.
• 1968 – ગુજરાત વિદ્યાપીઠ, વિદ્યાવાચસ્પતિ ( પી.એચ.ડી.)

વ્યવસાય

• 1961-64  –  કપડવંજ અને તલોદની કોલેજોમાં અધ્યાપન
• 1965- 75 – અમદાવાદમાં સ્વામીનારાયણ આર્ટ્સ કોલેજમાં અધ્યાપક
• 1975- 77 – અમદાવાદમાં ઇસ્રો(ISRO)માં સ્ક્રીપ્ટરાઇટર
• 1977 થી – જાહેરાત ક્ષેત્રે ફ્રીલાન્સર

જીવનઝરમર

• પિતાના આઇ.એ.એસ. કરવાના આગ્રહને ઠુકરાવી ગુજરાતી શિક્ષક બનવાની હિમ્મત
• પુત્રનો કવિતાપ્રેમ પસંદ ન હોવા છતાં ચંડીપાઠી અને અનુવાદક પિતાએ પોતાના ખર્ચે તેમનો ‘વસંત વિલાસ’ – સમશ્લોકી અનુવાદ છપાવી આપ્યો હતો !
• જ્ઞાતિ બહાર લગ્ન કરવા માટે માતાનો પ્રકોપ  વહોર્યો.
• ‘રે’ મઠના મુખ્ય કવિ, રાજેન્દ્ર શુકલ, લાભશંકર ઠાકર, રાવજી પટેલ વિ. સહ મિત્રો
• ‘રે’ , કૃતિ, ઉન્મૂલન, ઓમિસિયસ ( હોટેલ પોએટ્સ ગ્રુપ) સામાયિકોના તંત્રી
• ‘આકંઠ સાબરમતી’ માં લાભશંકર ઠાકર સાથે નાટ્યપ્રયોગની વર્કશોપ અંગે સંકળાયેલા હતા.
• તસ્બી અને ક્ષણિકા કાવ્યપ્રકારો ના સર્જક
• અકાશવાણી અને ટી.વી. પર ઘણા કાર્યક્રમો આપ્યા છે
• વિદેશમાં અનેક પ્રવાસો અને કવિતા સર્જન માટેની વર્કશોપો કરી છે.

રચનાઓ        –  કુલ 52 પુસ્તકો

• કવિતા–  વાતાયન, ઊર્ણનાભ, શપિત વનમાં, દેશવટો, ક્ષણોના મહેલમાં, દર્પણની ગલીમાં, ઈર્શાદગઢ, બાહુક ( નળાખ્યાન આધારિત ખંડકાવ્ય), અફવા , ઈનાયત, પર્વતને નામે પથ્થર
• નાટક – ડાયલનાં પંખી ( પદ્યમાં એબ્સર્ડ એકાંકી), કોલબેલ, હુકમ માલિક, જાલકા, અશ્વમેઘ
• નવલકથા– શૈલા મજમુદાર ( આત્મકથાનક) , ભાવચક્ર, લીલા નાગ, હેંગ ઓવર, ભાવ અભાવ ( વિશેષ જાણીતી કથા), પહેલા વરસાદનો છાંટો
• વાર્તાસંગ્રહ – ડાબી મૂઠી, જમણી મૂઠી( પદ્ય-સભર વાર્તાઓ)
• વિવેચન – મારા સમકાલીન કવિઓ, બે દાયકા ચાર કવિઓ, ખંડકાવ્ય સ્વરૂપ અને વિકાસ
• ચરિત્ર – કૃષ્ણલાલ શ્રીધરાણી
• સંપાદન – ગુજરાતી પ્રતિનિધી ગઝલો, ચઢો રે શિખર રાજા રામના, ગમી તે ગઝલ
• અનુવાદ– વસંતવિલાસ ( મધ્યકાલીન ફાગુકાવ્યોનો અનુવાદ)

લાક્ષણિકતાઓ

• આધુનિક અને પ્રયોગાત્મક કવિતાના અગ્રણી કવિ
• ગઝલમાં અવનવા પ્રયોગો છતાં ગઝલનું પોત જાળવ્યું છે.
• સાહિત્ય સર્જનમાં પણ અવનવા અને કદીક વિવાદાસ્પદ પ્રયોગો

સન્માન

• અનેક પારિતોષિકો

સાભાર

• સાક્ષરનો સાક્ષાત્કાર – રાધેશ્યામ શર્મા, રન્નાદે પ્રકાશન
• ગુજરાતી સાહિત્યકોશ – ખંડ – 2